இந்தியா Vs ஆஸி. 3வது ஒரு நாள் போட்டி - 7 விக்கெட் வித்தியாசத்தில் இந்தியா வெற்றி
ஆஸ்திரேலியாவுக்கு எதிரான 3வது ஒரு நாள் போட்டியில் 7 விக்கெட் வித்தியாசத்தில் வெற்றி பெற்று , தொடரையும் கைப்பற்றி இந்திய அணி அசத்தியுள்ளது.
பெங்களூரில் நடைபெற்ற இந்த போட்டியில் முதலில் பேட் செய்த ஆஸ்திரேலியா 50 ஓவர்களில் 9 விக்கெட் இழப்பிற்கு 286 ரன்கள் எடுத்தது. அதிகபட்சமாக ஸ்மித் 131 ரன்களும் , LABUSCHANGE 54 ரன்கள் விளாசினர். முகமது ஷமி 4 விக்கெட்கள் வீழ்த்தி அசத்தினர்.
இதனையடுத்து இலக்கை நோக்கி ரோகித் - ராகுல் இணை களமிறங்கியது. போட்டியின் இடையே காயம் ஏற்பட்டதால் தவான் பேட்டிங் செய்ய களமிறங்கவில்லை. ரோகித் சர்மாவின் அபாரமான ஆட்டத்தால் இந்தியாவுக்கு தொடக்கம் சிறப்பாக அமைந்தது. ரோகித் 119 ரன்களும் , கேப்டன் கோலி 89 ரன்களும் விளாசி அணியை வெற்றி பாதைக்கு அழைத்து சென்றனர். இறுதியில் 47.3 ஓவர்களில் இலக்கை எட்டி இந்தியா வெற்றி பெற்றது.
Next Story
