தென்னாப்பிரிக்காவுக்கு எதிரான முதல் டெஸ்ட் : 395 ரன்கள் வெற்றி இலக்கை நிர்ணயித்த இந்தியா

விசாகப்பட்டினத்தில் நடைபெற்று வரும் இப்போட்டியின்  4ஆம் நாள் ஆட்டத்தை தொடர்ந்த தென்னாப்பிரிக்க அணி முதல் இன்னிங்சில் 431 ரன்களுக்கு ஆட்டமிழந்தது. 71 ரன்கள் முன்னிலை பெற்ற இந்திய அணி 2வது இன்னிங்சை தொடர்ந்தது. மாயங் அகர்வால் 7 ரன்களில் ஆட்டமிழக்க, சிறப்பாக விளையாடிய ரோஹித் சர்மா 2வது இன்னிங்சிலும் சதம் விளாசினார். இதன் மூலம் தொடக்க ஆட்டக்காரராக களமிறங்கிய முதல் போட்டியின் 2 இன்னிங்சிலும் சதம் விளாசிய ஒரே வீரர் என்ற சாதனையை ரோஹித் சர்மா படைத்தார். புஜாரா 81 ரன்கள் சேர்க்க இந்திய அணி 4 விக்கெட் இழப்பிற்கு 323 ரன்கள எடுத்த நிலையில் டிக்ளேர் செய்தது. இதனையடுத்து 395 ரன்கள் எடுத்தால் வெற்றி என்ற இலக்குடன் தென்னாப்பிரிக்க அணி 2வது இன்னிங்சில் களமிறங்கியது. 4வது நாள் ஆட்டநேர முடிவில் அந்த அணி 1 விக்கெட் இழப்பிற்கு 11 ரன்கள் எடுத்துள்ளது. டிரா செய்ய தென்னாப்பிரிக்காவும், போட்டியை வெல்ல இந்தியாவும் போராடும் என்பதால் கடைசி நாள் ஆட்டத்தில் பரபரப்புக்கு பஞ்சம் இருக்காது என எதிர்பார்க்கப்படுகிறது.