வரும் 2020 ஆம் ஆண்டுக்கான பத்ம விருதுகள் - 9 பேர் பட்டியலை அனுப்பியது விளையாட்டு அமைச்சகம்

வரும் 2020 ஆம் ஆண்டுக்கான பத்ம விருதுகளுக்கு விளையாட்டுத்  துறையை சேர்ந்த 9 வீராங்கனைகளை, மத்திய விளையாட்டு அமைச்சகம் பரிந்துரை செய்துள்ளது. விளையாட்டு அமைச்சக பரிந்துரையில் 9 பேரும் பெண்கள் என்பது இதுவே முதல் முறை என்பது குறிப்பிடத்தக்கது. அண்மைக் காலமாக விளையாட்டுத் துறையில் உலக அரங்கில் நாட்டை பெருமைப்படுத்தும் வகையில் செயல்பட்டு வரும் மகளிரை கவுரவிக்கும் விதமாக இந்த பரிந்துரை செய்யப்பட்டு உள்ளதாக கூறப்படுகிறது. இந்த பட்டியலில் மேரிகோம், பி.வி.சிந்து, வினேஷ் போகட், மாணிக் பத்ரா,  ஹர்மான் பிரீத் கவுர், ராணி ராம்பால், சுமா ஷீரூர்,  டேஷி,  நுங்குஷி மாலிக் ஆகியோர் இடம்பெற்றுள்ளனர். பத்ம விருதுக்கு தேர்வானவர்கள் விவரத்தை அடுத்தாண்டு ஜனவரி 25 ஆம் தேதி, உள்துறை அமைச்சகம் அறிவிக்கும்.