விம்பிள்டன் டென்னிஸ் தொடர் : 12வது முறையாக இறுதிச் சுற்றுக்கு ரோஜர் ஃபெடரர் தகுதி

விம்பிள்டன் டென்னிஸ் தொடரின் இறுதிச் சுற்றுக்கு 12வது முறையாக ஜாம்பவான் ரோஜர் ஃபெடரர் தகுதி பெற்றுள்ளார். லண்டனில் நடைபெற்ற அரையிறுதி ஆட்டத்தில், ஸ்பெயின் வீரர் நடாலுடன், ரோஜர் ஃபெடரர் பலப்பரீட்சை நடத்தினார். 11 ஆண்டுகளுக்கு பிறகு விம்பிள்டனில் இருவரும் மோதியதால், இந்தப் போட்டி ரசிகர்களிடையே பெரும் எதிர்பார்ப்பை ஏற்படுத்தியது. பரபரப்பான இந்த ஆட்டத்தில், 7க்கு6, 1க்கு6,6க்கு3, 6க்கு4 என்ற செட் கணக்கில் ரோஜர் ஃபெடரர் வெற்றி பெற்றார்.நாளை நடைபெறும் இறுதிப் போட்டியில் ரோஜர் ஃபெடரர், முன்னணி வீரர் ஜோகோவிச்சுடன் களம் காணுகிறார்.