சேப்பாக்கம் கடைவீதியில் பிராவோ
உலகம் முழுவதும் சென்னை சூப்பர் கிங்ஸ் அணிக்கு ரசிகர்கள் இருப்பதாக பிராவோ பெருமிதம் தெரிவித்துள்ளார்.
சென்னை அணியின் நட்சத்திர வீரரான பிராவோ, சேப்பாக்கத்தில் உள்ள விளையாட்டு உபகரணங்கள் விற்பனை கடைக்கு வருகை தந்தார். அவரை காண ரசிகர்கள் கடை முன் குவிந்தனர்.இளம் ரசிகர்களை ஊக்குவிக்கும் விதமாக ஆட்டோகிராப் போட்டு கொடுத்த பிராவோ, அவர்களுடன் புகைப்படமும் எடுத்துகொண்டார். இதனால் சிறுவர்கள் உற்சாகம் அடைந்தனர். இதனை தொடர்ந்து செய்தியாளர்களிடம் பேசிய பிராவோ, சென்னை அணிக்கு, அமெரிக்கா உள்பட்ட பல உலக நாடுகளில், ரசிகர்கள் இருப்பதாக பெருமிதம் தெரிவித்தார்.
ரயில் முழுவதும் சி.எஸ்.கே. வீரர்கள் உருவம்
சென்னை தாம்பரத்தில் இருந்து கிழக்கு கடற்கரைக்கு செல்லும் மின்சார ரயில், சென்னை சூப்பர் கிங்ஸ் அணிக்கு ஆதரவு அளிக்கும் விதமாக , மஞ்சள் நிறத்தில் காட்சியளிக்கிறது. ரயில் முழுவதும் வீரர்கள் உருவம் கொண்ட ஸ்டிக்கர்கள் ஒட்டப்பட்டுள்ளன. சென்னை அணியை விளம்பரப்படுத்தவும், உற்சாகப்படுத்தவும் செய்யப்பட்டுள்ள இந்த புதிய ஏற்பாடு, ரசிகர்களிடையே மிகுந்த வரவேற்பை பெற்றுள்ளது.
Next Story
