ஆசிய ஏர்கன் சாம்பியன் சிப் போட்டி : பதக்கங்களை குவித்துவரும் சவுராப் சவுதாரி

குவைத்தில் நடைபெற்றுவரும் ஆசிய ஏர்கன் சாம்பியன் சிப் போட்டியில் 10 மீட்டர் ஏர் பிஸ்டல் பிரிவில் இந்தியா சார்பில் பங்கேற்ற சவுராப் சவுதாரி, அர்ஜூன்சிங் சிமா, அன்மோல் ஜெயின் ஆகியோர் குழுவாக முதல் இடம் பிடித்தனர். இதேபோல தனிநபர் பிரிவில், சவுராப் சவுதாரி, 239 புள்ளி 82 புள்ளிகளுடன் முதலிடத்தை கைப்பற்றினார். மற்றொரு இந்திய வீர‌ர் அர்ஜூன் சிமா 237 புள்ளி 7 புள்ளிகளுடன் இரண்டாம் இடம் பிடித்தார். சவுராப் சவுதாரி கடந்த நான்கு மாதங்களில், இளையோர் ஒலிம்பிக் போட்டி உள்பட நான்கு போட்டிகளில் தங்க பதக்கங்கள் வென்றுள்ளது குறிப்பிடத்தக்கது.