பா.ஜ.க.விலிருந்து விலகி சமாஜ்வாதியில் இணைந்த 3 அமைச்சர்கள், 6 எம்.எல்.ஏ.க்கள்

உத்தரபிரதேசத்தில் பாஜகவிலிருந்து விலகிய 3 அமைச்சர்கள் மற்றும்  6 எம்.எல்.ஏக்கள் சமாஜ்வாதி கட்சியில் இணைந்தனர்.உத்தரபிரதேச மாநிலத்தில் பாஜகவை சேர்ந்த 3 அமைச்சர்கள் அடுத்தடுத்து தங்களது பதவியை ராஜினாமா செய்தனர். அக்கட்சியிலிருந்து 6 எம்.எல்.ஏக்களும் விலகினர். பாஜகவிலிருந்து விலகிய 9 பேரும் தங்களை சமாஜ்வாதி கட்சியில் இணைத்து கொண்டனர்.லக்னோவில் நடைபெற்ற பொதுக்கூட்டத்தில் சமாஜ்வாதி கட்சி தலைவர் அகிலேஷ் யாதவ் முன்னிலையில் அனைவரும் அக்கட்சியில் இணைந்தனர். பின்னர் செய்தியாளர்களிடம் பேசிய முன்னாள் அமைச்சர் சுவாமி பிரசாத் மவுரியா,  பாஜக,  நாட்டு மக்களையும், உத்தர பிரதேசத்தையும் தவறாக வழி நடத்தி மக்களின் கண்களில் மண்ணை தூவியதாக குற்றம்சாட்டினார்.