கர்நாடகா : காங்.,ம.ஜ.த கட்சிகளின் 14 எம்.எல்.ஏக்கள் தகுதிநீக்கம்

கர்நாடகாவில், எடியூரப்பா முதலமைச்சராக பதவியேற்றுள்ள நிலையில், நாளை சட்டப் பேரவையில் தமது பெரும்பான்மையை நிரூபிக்க உள்ளார். இந்நிலையில், காங்கிரஸ் கட்சியை சேர்ந்த 11 பேர், மதசார்பற்ற ஜனதா தளம் கட்சியை சேர்ந்த 3 பேர் என எம்.எல்.ஏக்கள் 14 பேரை சபாநாயகர் ரமேஷ்குமார் தகுதி நீக்கம் செய்துள்ளார். தகுதி நீக்கம் செய்யப்பட்ட எம்.எல்.ஏ.க்கள் வருகிற 2023ம் ஆண்டு மே 15 ந்தேதி வரை தேர்தலில் போட்டியிட முடியாது என்ற நிலை ஏற்பட்டுள்ளது. கடந்த 2 நாட்களுக்கு முன்பு சுயேட்சை உள்ளிட்ட 3 எம்.எல்.ஏக்களை தகுதி நீக்கம் செய்து சபாநாயகர் உத்தரவிட்டிருந்தார். இதன் படி,  சபாநாயகரால் தகுதி நீக்கம் செய்யப்பட்ட எம்.எல்.ஏக்களின் எண்ணிக்கை 17 ஆக அதிகரித்துள்ளது.