நள்ளிரவில் பாஜக சட்டமன்ற உறுப்பினர்கள் கூட்டம் - பொறுப்பாளர் முரளிதராவ் தலைமையில் நடைபெற்றது

பெங்களூருவில் பாஜக சட்டமன்ற உறுப்பினர்கள் கூட்டம் தனியார் விடுதியில் நடைபெற்றது. கட்சியில் மேலிட பார்வையாளர் முரளிதர ராவ் தலைமையில் நடைபெற்ற கூட்டத்தில், எதிர்கால திட்டம் குறித்து விவாதிக்கப்பட்டது. இன்று பாஜக மூத்த தலைவர் ஜவடேகர் தலைமையில் அதிகார பூர்வ ஆலோசனை கூட்டம் நடைபெறுகிறது. இந்த கூட்டத்தில் பாஜக எம், எல் ஏக்கள் கலந்து கொள்கிறார்கள். கூட்டணி கட்சிகளின் ஆதரவு குறித்து அப்போது விரிவாக ஆலோசிக்கப் படுகிறது. கூட்டத்திற்கு பின்னர் எடியூரப்பா தலைமையில் பாஜக சட்டமன்ற உறுப்பினர்கள் ஆளுநர் மாளிகைக்கு சென்று ஆட்சி அமைக்க உரிமை கோருவார்கள் என்று அங்கிருந்து வரும் தகவல்கள் தெரிவிக்கின்றன