காங்கிரஸ் தலைவர் பதவியை ராஜினாமா செய்ய ராகுல் முடிவு? : ராகுலை சமாதானப்படுத்த காங்கிரஸ் தலைவர்கள் தீவிர முயற்சி

தேர்தல் தோல்விக்கு பொறுப்பேற்று காங்கிரஸ் கட்சி தலைவர் பதவியை ராஜினாமா செய்வதாக ராகுல் காந்தி முடிவு எடுத்தார். ஆனால் ராகுலின் முடிவை காங்கிரஸ் காரிய கமிட்டி நிராகரித்தது. எனினும், ராகுல்காந்தி ராஜினாமா செய்யும் முடிவில் இருந்து பின்வாங்கவில்லை என்றும், தகுதியான தலைவர்களை தேர்ந்தெடுங்கள் என்று திட்டவட்டமாக கூறிவிட்டதாகவும் தகவல் வெளியாகியுள்ளது. இதனால் கடைசி கட்ட முயற்சியாக ராகுல் காந்தியை சந்தித்து, பதவியை ராஜினாமா செய்ய வேண்டாம் என்று வலியுறுத்த, அவரது சகோதரி பிரியங்கா காந்தி மற்றும் ரந்தீப் சுர்ஜிவாலா, அகமது பட்டேல் சச்சின் பைலட் உள்ளிட்ட காங்கிரஸ் தலைவர்கள், ராகுலின் இல்லத்திற்கு சென்றுள்ளனர். இதனால், காங்கிரஸ் கட்சி தலைவராக ராகுல் நீடிப்பாரா, விலகுவாரா என்பது அக்கட்சி வட்டாரத்தில் பரபரப்பை ஏற்படுத்தியுள்ளது.