"ரஜினி - கமலுடன் கூட்டணிக்கு வாய்ப்பு இல்லை" - சரத்குமார் அறிவிப்பு

நடிகர்கள் ரஜினிகாந்த் மற்றும் கமல்ஹாசனுடன் கூட்டணிக்கு வாய்ப்பு இல்லை என்று சமத்துவ மக்கள் கட்சியின் தலைவர் சரத்குமார் தெரிவித்துள்ளார். சென்னை - வியாசர்பாடியில் நடைபெற்ற பொங்கல் விழாவில் பங்கேற்ற பின் செய்தியாளர்களிடம் பேசிய அவர், விஜயகாந்த் விருப்பப்பட்டால், தேமுதிகவுடன் கூட்டணி சேர தயார் என்றார். கட்சி தொண்டர்கள் விரும்பினால், நாடாளுமன்ற தேர்தலில் போட்டியிட தயார் என்று கேள்வி ஒன்றுக்கு பதில் அளித்தபோது, சரத்குமார் தெரிவித்தார்.