அதிமுக எம்.எல்.ஏ திருமணம் நிறுத்தம்
பதிவு : செப்டம்பர் 12, 2018, 10:14 AM
மாற்றம் : செப்டம்பர் 12, 2018, 05:24 PM
பவானிசாகர் எம்.எல்.ஏ. ஈஸ்வரனுக்கு இன்று திருமணம் நடைபெறவில்லை.
* ஈரோடு மாவட்டம் பவானிசாகர் அ.தி.மு.க. எம்.எல்.ஏ ஈஸ்வரனுக்கும் , சந்தியா என்ற பெண்ணுக்கும் இன்று  சத்தியமங்கலம் அருகே உள்ள 
பண்ணாரியம்மன் கோவிலில் திருமணம் நடக்க இருந்தது. 

* ஆனால் திருமணம் நடக்க 9 நாட்கள் இருந்த நிலையில் மணமகள் சந்தியா திடீரென மாயமானார். இதையடுத்து,சந்தியாவின் தாயார் அவரை மீட்டு தர வேண்டும் என கடத்தூர் போலீசில் புகார் செய்தார்.

* எம்.எல்.ஏ.வுடனான திருமணம் பிடிக்காததால் மணமகள் சந்தியா மணப்பாறையில் இருந்தது தெரிய வந்தது. போலீசார் மணப்பாறை சென்று புதுப்பெண் சந்தியாவை மீட்டு வந்தனர்.

* அப்போது சந்தியா கூறும் போது, எம்.எல்.ஏ.வுக்கு வயது அதிகம் என்பதால் எனக்கு இந்த திருமணத்தில் விருப்பம் இல்லை, பெற்றோர் என்னை கட்டாயப்படுத்தியதால் வீட்டை விட்டு சென்றேன் என தெரிவித்துள்ளார்.

* இதையடுத்து, திருமணம் நிச்சயிக்கப்பட்ட அதே நாளில்  எப்படியும் வேறு ஒரு நல்ல பெண்ணை பார்த்து திருமணம் செய்ய எம்.எல்.ஏ. மற்றும் அவரது உறவினர்களும் தீவிரமாக இருந்தனர்.

* எம்எல்ஏ., ஈஸ்வரனுக்கு  வேறு ஒரு உறவுக்கார பெண்ணுடன்  திருமணம் நடக்க இருந்தது. ஆனால் பெண்பார்க்கும் படலத்தில் ஏற்பட்ட சுணக்கத்தால், இன்று திருமணம் நடைபெறவில்லை.

* இன்னும் 2 மாதத்தில் எம்.எல்.ஏ.வுக்கு திருமணம் செய்து வைக்க முடிவு செய்துள்ளதாக உறவினர்கள் தெரிவித்தனர்.

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.