18 எம்.எல்.ஏ.க்கள் தகுதி நீக்க வழக்கின் இறுதி விசாரணை நிறைவடைந்து
பதிவு : செப்டம்பர் 01, 2018, 10:55 AM
10 சதவீத மக்களை பிரதிநித்துவப்படுத்தும் 18 எம்.எல்.ஏ.க்களை தகுதி நீக்கம் செய்து பிறப்பித்த உத்தரவு தவறு எனவும் வாதிட்டார்.
18 எம்.எல்.ஏ.க்கள் தகுதி நீக்க வழக்கில், அனைத்து தரப்பு வாதங்காலும் முடிவடைந்ததை அடுத்து, தீர்ப்பை தேதி குறிப்பிடாமல் தள்ளிவைத்தார், மூன்றாவது நீதிபதி சத்தியநாராயணன்.முதல்வர் மீது நம்பிக்கையில்லை எனவும், அவருக்கு அளித்த ஆதரவை விலக்கிக் கொள்வதாகவும் கடந்த ஆண்டு ஆகஸ்ட் மாதம் ஆளுநரிடம் கடிதம் அளித்ததன் மூலம், கட்சித் தாவல் நடவடிக்கையில் ஈடுபட்டதாகக் கூறி, வெற்றிவேல், தங்கத்தமிழ் செல்வன் உள்ளிட்ட 18 எம்.எல்.ஏ.க்களை தகுதி நீக்கம் செய்து, கடந்த ஆண்டு செப்டம்பர் மாதம் உத்தரவு பிறப்பித்தார் சபாநாயகர்.இந்த உத்தரவை எதிர்த்து தொடரப்பட்ட வழக்குகளை விசாரித்த அப்போதைய தலைமை நீதிபதி இந்திரா பானர்ஜி, நீதிபதி சுந்தர் அடங்கிய அமர்வு, இரு வேறு தீர்ப்புகளை வழங்கியது. சபாநாயகரின் உத்தரவு செல்லும் என தலைமை நீதிபதியும், செல்லாது என நீதிபதி சுந்தரும் தீர்ப்பளித்திருந்தனர். இதனால் வழக்கு மூன்றாவது நீதிபதி விசாரணைக்கு பரிந்துரைக்கப்பட்டது. 
உச்ச நீதிமன்ற உத்தரவின்படி, மூன்றாவது நீதிபதியாக நீதிபதி சத்தியநாராயணன், கடந்த ஜூலை மாதம் முதல் விசாரணையை துவங்கினார். 12 நாட்களாக நடந்த விசாரணை இன்றுடன் முடிவடைந்து, வழக்கின் தீர்ப்பு தேதி குறிப்பிடாமல் தள்ளிவைக்கப்பட்டுள்ளது. இறுதி நாளான இன்று, சபாநாயகர் தரப்பில் ஆஜரான மூத்த வழக்கறிஞர் ஆரியமா சுந்தரம், தகுதி நீக்க உத்தரவு அவசரகதியில் பிறப்பிக்கப் படவில்லை என்றும் சட்டம் மற்றும் இயற்கை நியதிக்கு உட்பட்டு உத்தரவு பிறப்பிக்கப்பட்டதாகவும் தெரிவித்தார்.
மேலும் கட்சித் தலைமைக்கு எதிராக செயல்படுவது என்பது கட்சிக்கும், ஆட்சிக்கும் எதிராக செயல்பட்டதாக கருதி, கட்சித் தாவல் தடைச் சட்டத்தின் கீழ் தகுதி நீக்கம் செய்ய சபாநாயகருக்கு அதிகாரம் உள்ளதாகவும் வாதிட்டார்.வேறு கட்சிக்கு மாறினால் மட்டுமல்லாமல், கட்சித் தலைமைக்கு எதிராக செயல்படுவது, பேசுவதும் கூட கட்சித் தாவலாக கருதி தகுதி நீக்கம் செய்ய முடியும் எனவும் வாதிட்டார்.18 எம்.எல்.ஏ.க்கள் தரப்பில் மூத்த வழக்கறிஞர் பி.எஸ்.ராமன் தன் பதில் வாதத்தில், எந்தவித ஆதாரங்களும் இன்றி தகுதி நீக்க உத்தரவு பிறப்பிக்கப்பட்டுள்ளதாகவும், கட்சித் தலைமைக்கு எதிர்ப்பு தெரிவிப்பது கட்சித்தாவல் ஆகாது எனவு. குறிப்பிட்டார்.கட்சி தலைமைக்கு எதிராக செயல்படுவது, கருத்து தெரிவிப்பது, கட்சிக்கு எதிரானது என்றும், ஆட்சிக்கு எதிரானது என்றும் கருதி தேர்ந்தெடுக்கப்பட்ட பிரதிநிதிகளை தகுதி நீக்கம் செய்தால் அது பேராபத்தாக இருக்கும் எனவும், இது கட்சித்தலைமைக்கு அடிமையாக இருக்க வேண்டிய நிலையை ஏற்படும் எனவும் குறிப்பிட்டார்.10 சதவீத மக்களை பிரதிநித்துவப்படுத்தும் 18 எம்.எல்.ஏ.க்களை தகுதி நீக்கம் செய்து பிறப்பித்த உத்தரவு தவறு எனவும் வாதிட்டார்.கடந்த 12 நாட்களாக நடந்த வாதங்கள் இன்றுடன் நிறைவு பெற்றதை அடுத்து, வழக்கின் தீர்ப்பை நீதிபதி சத்தியநாராயணன், தேதி குறிப்பிடாமல் தள்ளிவைத்தார்.



தொடர்புடைய செய்திகள்

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

441 views

களவாணி மாப்பிள்ளை படத்தின் டிரெய்லர் வெளியீடு

நடிகர் தினேஷ், அதிதி மேனன் நடிப்பில் உருவாகி இருக்கும் களவாணி மாப்பிள்ளை படத்தின் டிரெய்லர் வெளியாகி உள்ளது.

1703 views

"பேருந்து இல்லாததால் திருமணம் ஆகவில்லை"

நெல்லை மாவட்டம் வடக்குகழுவூர் கிராமத்திற்கு பேருந்து உள்ளிட்ட அடிப்படை வசதியின்றி அப்பகுதி மக்கள் அவதியுறுகின்றனர்.

2989 views

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

5180 views

பிற செய்திகள்

"பன்னீர்செல்வம் முதல்வராக சசிகலா தான் காரணம்" - டி டி வி தினகரன்

"சசிகலா நினைத்திருந்தால் அவரே முதல்வராக ஆகி இருக்கலாம்" -டி டி வி தினகரன்

52 views

"தந்தையின் போர்வையில் திமுகவின் தலைவரானவர் ஸ்டாலின்" - முதலமைச்சர் பழனிசாமி

திமுக ஒரு கட்சியே அல்ல என கூறிய அவர், அது ஒரு கம்பெனி என்றார்.

12 views

ஜெயலலிதா சிகிச்சை பெற்றபோது எங்கிருந்தார்..? தினகரனுக்கு, ஓ. பன்னீர் செல்வம் கேள்வி

ஜெயலலிதா சிகிச்சை பெற்றபோது, டி.டிவி. தினகரன் எங்கிருந்தார் என துணை முதலமைச்சர் ஓ. பன்னீர் செல்வம் கேள்வி எழுப்பி உள்ளார்.

14 views

"புதுக்கோட்டையில் போட்டியிட தயாரா..?" டி.டி.வி. தினகரனுக்கு, விஜயபாஸ்கர் சவால்

அம்மா மக்கள் முன்னேற்றக்கழக துணை பொதுச்செயலாளர் டிடிவி தினகரனுக்கு துணிவிருந்தால், புதுக்கோட்டை தொகுதியில் தம்மை எதிர்த்து போட்டியிட தயாரா? என்று சுகாதாரத்துறை அமைச்சர் டாக்டர் விஜயபாஸ்கர் சவால் விடுத்துள்ளார்.

14 views

போயஸ் கார்டனில் சிசிடிவி பதிவு காட்சிகள் அழிப்பு என்பது பொய் தகவல் - ராஜா செந்தூர்பாண்டியன்

அதிமுக முன்னாள் எம்பி மனோஜ் பாண்டியன் வெளியிட்ட குற்றச்சாட்டில் ஆதாரம் இல்லை என்று சசிகலாவின் வழக்கறிஞர் ராஜா செந்தூர் பாண்டியன் தெரிவித்துள்ளார்.

10 views

அவதூறு வழக்கு : விஜயகாந்த் பதிலளிக்க உத்தரவு

தமிழக அரசு தொடர்ந்த அவதூறு வழக்கில், வரும் 28 ம் தேதி, நேரில் ஆஜராகி பதிலளிக்க தேமுதிக நிறுவன தலைவர் விஜயகாந்த்துக்கு, சிறப்பு நீதிமன்றம் உத்தரவிட்டுள்ளது.

11 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.