வாஜ்பாய் உடல் முழு அரசு மரியாதையுடன் தகனம்
பதிவு : ஆகஸ்ட் 17, 2018, 05:44 PM
முன்னாள் பிரதமர் வாஜ்பாயின் உடலுக்கு, வளர்ப்பு மகள் நமீதா எரியூட்ட, 21 குண்டுகள் முழங்க, ராணுவ மரியாதையுடன் தகனம் செய்யப்பட்டது.


முன்னாள் பிரதமர் அடல் பிகாரி வாஜ்பாய் தனது 93-வது வயதில் டெல்லி எய்ம்ஸ் மருத்துவமனையில் நேற்று  காலமானார்.இதனையடுத்து, அவரது வீட்டில் வைக்கப்பட்டிருந்த  வாஜ்பாய் உடலுக்கு பிரதமர் நரேந்திர மோடி, மத்திய அமைச்சர்கள்,காங்கிரஸ் தலைவர் ராகுல்காந்தி,  பா.ஜ.க. எம்.பிக்கள் மரியாதை செலுத்தினர். தமிழக முதலமைச்சர் பழனிசாமி, துணை முதலமைச்சர் பன்னீர்செல்வம், திமுக செயல்தலைவர் ஸ்டாலின், உள்ளிட்ட ஏராளமானோர் அஞ்சலி செலுத்தினர். பின்னர் வீட்டில் இருந்து ஊர்வலமாக கொண்டு செல்லப்பட்ட வாஜ்பாய் உடல், டெல்லியில் உள்ள பாஜக தலைமை அலுவலகத்தில் வைக்கப்பட்டது. அங்கு முக்கிய பிரமுகர்கள், பொதுமக்கள் என பல்லாயிரக்கனக்கானோர்  அஞ்சலி செலுத்தினர்.  பின்னர், அங்கிருந்து, சுமார் 2 மணி அளவில் வாஜ்பாயின் இறுதி ஊர்வலம் தொடங்கியது.  அலங்கரிக்கப்பட்ட ராணுவ வாகனத்தில், வாஜ்பாயின் உடல் கொண்டு செல்லப்பட்ட போது, வழி நெடுகிலும், பொதுமக்கள் மலர் தூவி தங்களது அஞ்சலியை செலுத்தினர். பிரதமர் நரேந்திர மோடி, பாஜக தலைவர் அமித்ஷா உள்ளிட்டோர் சுமார் 4 கிலோ மீட்டர் தொலைவுக்கு இறுதி ஊர்வலத்தில் நடந்து சென்றனர்.

கண்ணீர் விட்டு அழுத பிரதமர் மோடி



ஸ்மிரிதி ஸ்தல் வந்த வாஜ்பாயின் உடல், ராணுவ வாகனத்திலிருந்து இறக்கப்பட்டது. அப்போது பிரதமர் மோடி கண்ணீர் விட்டு அழுதது காண்போரை கண்கலங்க செய்தது. 

முப்படை வீரர்கள் இறுதி மரியாதை



வாஜ்பாய் உடலுக்கு, முப்படை வீரர்கள் இறுதி மரியாதை செலுத்தினர். வேத மந்திரங்கள், ராணுவ இசை முழங்க, வாஜ்பாய் உடலுக்கு பிரதமர் நரேந்திர மோடி, குடியரசுத் தலைவர் ராம்நாத் கோவிந்த், குடியரசு துணைத்தலைவர் வெங்கய்யநாயுடு, பாதுகாப்புத்துறை அமைச்சர் நிர்மலா சீதாராமன், மக்களவை சபாநாயகர் சுமித்ரா மகாஜன்,  ஆகியோர் மலர் வளையம் வைத்து இறுதி அஞ்சலி செலுத்தினர். 

அத்வானி, மன்மோகன் சிங், ராகுல் காந்தி இறுதி அஞ்சலி



முன்னாள் பிரதமர் வாஜ்பாயின் இறுதி சடங்கில் பாஜக மூத்த தலைவர் அத்வானி, பா.ஜ.க. தேசிய தலைவர் அமித்ஷா, முன்னாள் பிரதமர் மன்மோகன் சிங், காங்கிரஸ் தலைவர் ராகுல் காந்தி, ஆப்கான் முன்னாள் அதிபர் ஹமீது கர்சாய், பூடான் மன்னர் ஜிக்மே வாங்கக், பாகிஸ்தான் சட்ட அமைச்சர் அலி ஜாஃபர், இலங்கை வெளியுறவுத்துறை அமைச்சர் லக்ஷ்மண் கிரியேல்லா, உள்ளிட்டோர் பங்கேற்று அஞ்சலி செலுத்தினர். தலைவர்களின் அஞ்சலிக்கு பிறகு, வாஜ்பாய் உடல் மீது போர்த்தப்பட்ட தேசிய கொடி, அவரது பேத்தியான நிகாரிக்காவிடம் ஒப்படைக்கப்பட்டது.

வாஜ்பாய் உடலுக்கு மகள் நமீதா எரியூட்டினார்



பின்னர், வேதமந்திரங்கள் முழங்க குடும்ப உறுப்பினர்கள் பங்கேற்க,வாஜ்பாயின் இறுதி சடங்கு நடைபெற்றது. தகன மேடையில் வைக்கப்பட்டிருந்த அவரது உடலுக்கு, வளர்ப்பு மகள் நமீதா எரியூட்டினார். 21 குண்டுகள் முழங்க, ராணுவ மரியாதையுடன் முன்னாள் பிரதமர் வாஜ்பாய் உடல், தகனம் செய்யப்பட்டது. 

தொடர்புடைய செய்திகள்

"உள்ளாட்சி தேர்தலை நடத்த அரசு தயாராக இருக்கிறது" - பேரவையில் விளக்கம் அளித்த அமைச்சர் எஸ்.பி.வேலுமணி

உள்ளாட்சி தேர்தலை நடத்த அரசு தயாராக இருப்பதாக சட்டப்பேரவையில் அமைச்சர் எஸ்.பி.வேலுமணி தெரிவித்தார்.

33 views

திருவாரூர் மக்கள் தேர்தலை விரும்பவில்லை அவர்களுக்கு நிவாரணம் மட்டுமே தேவை - ஜெயக்குமார்

திருவாரூர் மக்கள் தேர்தலை விரும்பவில்லை அவர்களுக்கு நிவாரணம் மட்டுமே தேவை - ஜெயக்குமார்

52 views

முதலமைச்சருக்கு ஸ்டாலின் கண்டனம்...

தினமும் பொய் மூட்டைகளை அவிழ்த்து விடுவதாக தம்மைப் பற்றி விமர்சித்த முதலமைச்சர் எடப்பாடி பழனிச்சாமிக்கு திமுக தலைவர் ஸ்டாலின் கண்டனம் தெரிவித்துள்ளார்.

284 views

முன்னாள் பிரதமர் வாஜ்பாய் மருத்துவமனையி்ல் அனுமதி

முன்னாள் பிரதமரும், பா.ஜ.க மூத்த தலைவருமான வாஜ்பாய், டெல்லியில் உள்ள எய்ம்ஸ் மருத்துவமனையில் அனுமதிக்கப்பட்டுள்ளார்

361 views

பிற செய்திகள்

குமாரசாமி தலைமையிலான கூட்டணி அரசு தப்புமா?

பரபரப்பான அரசியல் சூழ்நிலையில் கர்நாடக சட்டமன்றத்தில் வியாழக்கிழமை காலை 11 மணியளவில் நம்பிக்கை வாக்கெடுப்பு நடைபெறுகிறது. முதலமைச்சர் குமாரசாமி அரசு தப்புமா என்ற எதிர்பார்ப்பு எழுந்துள்ளது.

0 views

"பழங்குடியினர் பட்டியலில் படுகர்களை சேர்க்க வேண்டும்" - அ.தி.மு.க. உறுப்பினர் அர்ஜுனன் கோரிக்கை

நீலகிரி மாவட்டத்தில், பூர்வகுடிகளான படுகர் இன மக்களை பழங்குடியினர் பட்டியலில் சேர்க்க வேண்டும் என மத்திய அரசுக்கு மாநிலங்களவை அ.தி.மு.க. உறுப்பினர் அர்ஜுனன் கோரிக்கை விடுத்தார்.

12 views

ஆனிவார ஆஸ்தான புஷ்ப பல்லக்கு உற்சவம் : 3 டன் மலர்களால் செய்யப்பட்ட புஷ்ப பல்லக்கு

ஆனி வார ஆஸ்தான உற்சவத்தை முன்னிட்டு திருப்பதி திருமலையில் 3 டன் எடையுள்ள பல்வேறு வகையான மலர்களால் தயார் செய்யப்பட்ட புஷ்பப் பல்லக்கில் ஸ்ரீதேவி பூதேவி சமேத மலையப்ப சுவாமி திருவீதி உலா வந்து பக்தர்களுக்கு அருள் பாலித்தார்

14 views

திருப்பதி ஏழுமலையான் கோயிலில் விஐபி தரிசனம் ரத்து

திருப்பதி ஏழுமலையான் கோவிலில் விஐபி தரிசன முறை ரத்து செய்யப்படுவதாக கோவில் அறங்காவலர் குழு தலைவர் சுப்பாரெட்டி தெரிவித்துள்ளார்.

33 views

புதுச்சேரி வாகனங்களுக்கு புதிய வரி : கேரள உயர்நீதிமன்றம் உத்தரவு

புதுச்சேரியில் பதிவு செய்த சொகுசு வாகனங்களை கேரளாவிற்குள் தொடர்ச்சியாக 30 நாட்களுக்கு மேல் பயன்படுத்தினால் ஓராண்டுக்கான வரி வசூலிக்கலாம் என கேரள உயர்நீதிமன்ற நீதிபதி எஸ். வி. பட்டி என தீர்ப்பளித்துள்ளார்

10 views

பல்கலைக்கழக மாணவர்களிடையே மோதல் : பாரபட்சம் இன்றி நடவடிக்கை- கேரள முதல்வர்

கேரளாவில் பல்கலைக்கழக மாணவர்களிடையே நடைபெற்ற மோதல் தொடர்பாக சம்பந்தப்பட்டோர் மீது எந்த வித பாரபட்சமுமின்றி நடவடிக்கை எடுக்கப்படும் என அம்மாநில முதலமைச்சர் பினராயி விஜயன் தெரிவித்துள்ளார்.

14 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.