திமுக தலைவர் கருணாநிதி இறப்பு : தலைவர்கள் இரங்கல்
கலைஞர் கருணாநிதி உடல்நலக் குறைவால் காவேரி மருத்துவமனையில் தீவிர சிகிக்சை பெற்று வந்த நிலையில், அவரது உயிர் இன்று (07.08.2018) மாலை 6.10 மணியளவில் பிரிந்தது.
திமுக தலைவர் கருணாநிதி காலமானதையடுத்து, தலைவர்கள் இரங்கல் தெரிவித்து வருகின்றனர்.
* கருணாநிதியின் மறைவை அறிந்து வேதனை அடைந்தேன்; எனது ஆழ்ந்த இரங்கலை அவரது குடும்பத்தாருக்கும், கோடிக்கணக்கான மக்களுக்கும் தெரிவித்துக் கொள்கிறேன் என திமுக தலைவர் கருணாநிதியின் மறைவுக்கு குடியரசுத் தலைவர் ராம்நாத் கோவிந்த் இரங்கல் தெரிவித்துள்ளார்.
* திமுக தலைவர் கருணாநிதி மறைவுக்கு பிரதமர் மோடி இரங்கல் தெரிவித்துள்ளார். மேலும் கருணாநிதியின் உடலுக்கு அஞ்சலி செலுத்த பிரதமர் மோடி நாளை காலை சென்னை வருகிறார்.
My thoughts are with the family and the countless supporters of Karunanidhi Ji in this hour of grief. India and particularly Tamil Nadu will miss him immensely. May his soul rest in peace. pic.twitter.com/7ZZQi9VEkm
— Narendra Modi (@narendramodi) August 7, 2018
* திமுக தலைவர் கருணாநிதியின் மறைவுக்கு காங். தலைவர் ராகுல் காந்தி இரங்கல் தெரிவித்துள்ளார்.
*அன்பு நண்பர் முத்தமிழ் அறிஞர் கலைஞரின் மறைவு பெரும் அதிர்ச்சியையும், வேதனையையும், துயரத்தையும் அளிக்கிறது என பாமக நிறுவனர் ராமதாஸ் இரங்கல் தெரிவித்துள்ளார்.
*திமுக தலைவர் கருணாநிதி மறைவுக்கு இந்தியாவில் உள்ள அமெரிக்க தூதரகம் இரங்கல் தெரிவித்துள்ளது.
*திமுக தலைவர் கருணாநிதி மறைவுக்கு நடிகர் சங்கம் இரங்கல் தெரிவித்துள்ளது.
*மத்திய அமைச்சர்கள் நிர்மலா சீதாராமன், பொன்.ராதாகிருஷ்ணனும் திமுக தலைவர் கருணாநிதி மறைவுக்கு இரங்கல் தெரிவித்துள்ளனர்.
Next Story
