காங்கிரஸ் செயற்குழு கூட்டம்: காங்கிரஸ் தலைவர் நியமனம் குறித்து ஆலோசனை

 காங்கிரஸ் கட்சி இடைக்கால தலைவர் சோனியா காந்தி தலைமையில்  காங்கிரஸ் காரிய கமிட்டி கூட்டம்  டெல்லியில் நடைபெற்று வருகிறது. இந்த கூட்டத்தில் காரிய கமிட்டி உறுப்பினர்கள் ராகுல் காந்தி, பிரியங்கா காந்தி , ஜெய் ராம் ரமேஷ்,  பா.சிதம்பரம், ஏ.கே ஆண்டனி , முகுல் வாசினிக்,குலாம்நபி ஆசாத் உள்ளிட்ட நிர்வாகிகள் கலந்து கொண்டுள்ளனர். இந்த கூட்டத்தில் பஞ்சாப், ராஜஸ்தான்,சத்தீஸ்கர் மாநிலத்தில் நீடிக்கும் உட்கட்சி பிரச்சனை தொடர்பாகவும் அடுத்த ஆண்டு நடைபெறவுள்ள சட்ட மன்ற தேர்தல் குறித்து ஆலோசிக்கப்பட்டு வருவதாக தகவல் தெரிவிக்கின்றன. அதே நேரத்தில் காங்கிரஸ் கட்சிக்கு தலைவர் நியமனம் செய்வது குறித்து ஆலோசிக்கப்படுகிறது. மேலும்  பாஜக எதிர்ப்பு பிரச்சார விளக்க கூட்டம்  நடத்துவது தொடர்பாக இந்த கூட்டத்தில் முடிவு எடுக்கப்படும் என எதிர்பார்க்கப்படுகிறது.