டவ்-தே புயலால் பாதிக்கப்படும் மக்களுக்கு உதவ வேண்டும் - தொண்டர்களுக்கு ராகுல்காந்தி அழைப்பு

டவ்-தே புயலால் பாதிக்கப்படுவோருக்கு இயன்ற அனைத்து உதவிகளையும் செய்யுமாறு காங்கிரஸ் தொண்டர்களுக்கு அக்கட்சியின் மூத்த தலைவர் ராகுல்காந்தி அறைகூவல் விடுத்துள்ளார். இது குறித்து பதிவிட்டுள்ள ராகுல்காந்தி, டவ்-தே புயல் எச்சரிக்கை விடுக்கப்பட்டுள்ள கேரளம், மகாராஷ்டிரம், கோவா, தமிழகம், குஜராத், கர்நாடகம் ஆகிய மாநிலங்களில் பெரும்பாலான பகுதிகளில் கடும் மழை பெய்து வருகிறது என்றும், பாதிக்கப்படும் மக்களுக்கு இயன்ற அனைத்து உதவிகளையும் செய்யுமாறு காங்கிரஸ் தொண்டர்களை கேட்டுக்கொள்கிறேன் என தெரிவித்துள்ளார்.