தடுப்பூசியும் இந்தியாவுக்கான சவால்களும்...!
பதிவு : நவம்பர் 18, 2020, 05:14 PM
கொரோனாவுக்கு எதிராக வெற்றிகரமாக செயல்படுகிறது என அறிவிக்கப்பட்டுள்ள 2 தடுப்பூசிகளையும் செயல்திறனுடன் பயனாளர்களுக்கு கொண்டு செல்வதில் இந்தியாவிற்கு பல்வேறு சவால்கள் நிறைந்திருக்கிறது.
உலகில் 50-க்கும் மேற்பட்ட தடுப்பூசிகள் மனித பரிசோதனையில் இருந்தாலும், அமெரிக்காவின் ஃபைசர் மற்றும் மாடர்னா நிறுவனங்களின் தடுப்பூசி முறையே 90 மற்றும் 94.5 சதவிகிதம் பயனளிப்பதாக அறிவிக்கப்பட்டு உள்ளது.

மெசஞ்சர் ஆர்.என்.ஏ. அடிப்படையிலான இந்த இரு தடுப்பூசிகளும் மனித செல்களையே, சொந்தமாக எதிர்ப்பு சக்தியை உருவாக்கும் ஆற்றலை ஏற்படுத்துகிறது. இதுவரையில் பரிசோதனையில் மட்டுமே இருந்த மெசஞ்சர் ஆர்.என்.ஏ. வகையிலான தடுப்பூசிகள் கொரோனா கோரத்தால் பயன்பாட்டுக்கு வரவிருக்கிறது.
 
மாடர்னா நிறுவனம் தன்னுடைய தடுப்பூசி விலையை ஒரு டோஸ்  2 ஆயிரத்து 750 ரூபாய் என்றும்   ஃபைசர் நிறுவனம்  2 ஆயிரத்து 900 ரூபாய் என்றும் அறிவித்து உள்ளன. இரண்டுமே இருமுறை போட வேண்டும் என தெரிவிக்கப்பட்டுள்ளது. 

ஆர்.என்.ஏ. அடிப்படையிலான இந்த தடுப்பூசிகளை தயாரிக்கும் இடம் தொடங்கி, பயனாளிக்கு செலுத்தும் காலம் வரையில் குளிரான சூழலில் பராமரித்தால் மட்டுமே செயல்திறன் கொண்டதாக இருக்கும் என தெரிவிக்கப்படுகிறது. இதுதான் இந்தியா போன்ற வெப்ப மண்டல நாடுகளுக்கு மிகவும் சவாலானது எனக் கூறப்படுகிறது.  

இதில் மாடர்னா தடுப்பூசியை மைனஸ் 36 டிகிரியில் பராமரித்தால்  30 நாட்கள் வரையில் செயல்திறனுடன் இருக்கும் என்றும் தடுப்பூசியை 4 வார கால இடைவெளியில் மனித உடலில் செலுத்த வேண்டும் என்றும் தெரிவிக்கப்பட்டு உள்ளது.

இதுவே மைனஸ் 70 டிகிரியில் குளிரூடப்பட்ட ஃபைசர் தடுப்பூசி 5 நாட்கள் வரையில் செயல்திறனுடன் இருக்கும் என்றும் 21 நாட்கள் இடைவெளியில் மனித உடலில் செலுத்த வேண்டும் என கூறப்பட்டுள்ளது.   
 

தடுப்பூசி கொரோனாவுக்கு எதிராக சரியாக செயல்பட அதனை இருப்பு வைப்பது, போக்குவரத்து மற்றும் மருத்துவமனையில் குளிர் பதன வசதி மிகவும் அவசியமாகும். தற்போது இந்தியாவில் தடுப்பூசிகளை பாதுகாப்பாக வைத்திருக்க 2-லிருந்து 8 டிகிரி செல்சியஸ் வரையிலான குளிர்சாதன வசதியே இருக்கிறது எனக் கூறப்படுகிறது. 


130 கோடி மக்கள் தொகை கொண்ட இந்தியாவில் பயனாளர்களுக்கு தடுப்பூசியை செலுத்துவதற்கு போதுமான சுகாதார பணியாளர்கள் மற்றும் அரசு மருத்துவமனைகளில் நீண்ட நேரம் குளிரூட்டும் வகையிலான உறையவைக்கும் பெட்டிகளை அதிகரிக்க வேண்டியது கட்டாயமாகும்.


எய்ம்ஸ் மருத்துவர் ரந்தீப் குலெரியா கூறுகையில், இதுபோன்ற மிகவும் குறைந்த வெப்ப நிலையில் மருந்தை இருப்பு வைத்து பராமரிக்கும் கட்டமைப்பு இந்தியாவில் இல்லை எனத் தெரிவித்துள்ளார்.


இந்நிலையில்,  ஃபைசர் நிறுவனத்தின் மருந்தை வாங்கினால் அதனை எப்படி இருப்பு வைக்கலாம் என்பதற்கான சாத்திய கூறுகள் தொடர்பாக ஆய்வு செய்வதாக மத்திய சுகாதார அமைச்சகம் தெரிவித்து உள்ளது. 

தொடர்புடைய செய்திகள்

"வன்னியர்களுக்கு தனி இட ஒதுக்கீடு வேண்டும்" - ராமதாஸ்

வன்னியர்களுக்கு 20 சதவிகித இட ஒதுக்கீடு கோரி போராட வேண்டும் என்றும், சமுதாயத்தினர் கருத்துச் சொல்லுமாறும் பாமக நிறுவனர் ராமதாஸ் கோரியுள்ளார்.

552 views

புயல் முன்னெச்சரிக்கை நடவடிக்கைகள் குறித்து முதலமைச்சர் விளக்கம்

நிவர் புயல் காரணமாக, நாளை தமிழகம் முழுவதும் அரசு விடுமுறை என முதலமைச்சர் எடப்பாடி பழனிசாமி அறிவித்துள்ளார்.

271 views

தனியார் மருத்துவ கல்லூரி கட்டண நிர்ணயம் - குளறுபடி

தனியார் மருத்துவ கல்லூரிகளில் அரசு ஒதுக்கீட்டு இடங்களுக்கான கட்டணங்கள் அதிரடியாக மாற்றம் செய்யப்பட்டுள்ளன.

224 views

"அமெரிக்கா, இந்தியா உறவை வலுப்படுத்துவோம்" - மோடியின் வாழ்த்துக்குப் பின் ஜோ பைடன் உறுதி

அமெரிக்கா - இந்தியா இடையிலான உறவை வலுப்படுத்துவதில் முனைப்பு காட்டுவதாக, அமெரிக்க அதிபர் தேர்தலில் வெற்றி பெற்றுள்ள ஜோ பைடன் தெரிவித்துள்ளார்

169 views

பிற செய்திகள்

பெங்களூரு அணியில் இடம்கேட்டு ட்வீட் - வேடிக்கையாக பதிலளித்த விராட் கோலி

இங்கிலாந்து நாட்டின் கால்பந்தாட்ட வீரரான ஹேரி கேன், அதிரடியாக கிரிக்கெட் விளையாடும் வீடியோ சமூக வலைதளங்களில் பரவி வருகிறது.

273 views

இந்திய பொருளாதாரம் 7.5 சதவீதம் சரிவு - மீட்சிப்பாதையில் நாட்டின் உற்பத்தி துறை

இரண்டாவது காலாண்டில் இந்திய பொருளாதாரம் 7.5 சதவீதம் சரிவை சந்தித்துள்ளது.

29 views

வேளாண் சட்டங்களுக்கு எதிர்ப்பு - புராரி மைதானத்தில் போராட்டத்தை துவக்கிய விவசாயிகள்

வேளாண் சட்டங்களுக்கு எதிர்ப்பு தெரிவித்து பேரணியில் ஈடுபட்டுள்ள விவசாயிகள் டெல்லி புராரி மைதானத்தில் குவிந்து வருகின்றனர்.

15 views

கொரோனா தடுப்பு மருந்து ஆராய்ச்சியின் நிலை என்ன? - ஜைடஸ் உயிரி தொழில் நுட்ப பூங்காவில் பிரதமர் மோடி நேரில் ஆய்வு

குஜராத் மாநிலம், அகமதாபாத்தில் உள்ள ஜைடஸ் உயிரி தொழில் நுட்ப பூங்காவில் பிரதமர் நரேந்திர மோடி ஆய்வு மேற்கொண்டார்.

6 views

தண்ணீர் பீய்ச்சி அடிக்கும் இயந்திரத்தை நிறுத்திய இளைஞர் மீது வழக்குப்பதிவு

விவசாயிகள் போராட்டத்தில் அரியானாவை சேர்ந்த இளைஞர் நவ்தீப் சிங், விவசாயிகள் மீது பீய்ச்சி அடிக்கப்பட இருந்த தண்ணீரை நிறுத்தினார்.

11 views

வெளிநாட்டில் இருந்து மருந்து இறக்குமதி செய்யும் உரிமம் நீட்டிப்பு - மத்திய சுகாதாரத் துறை அரசாணை வெளியிட்டு அறிவுரை

மருந்து நிறுவனங்கள் வெளிநாடுகளில் இருந்து மருந்து இறக்குமதி செய்யும் உரிமத்தை நீட்டித்து மத்திய அரசு அரசாணை வெளியிட்டுள்ளது.

13 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.