ஆபத்தை ஏற்படுத்தும் ஆச்சரிய "நில்லு நில்லு சவால்" : வாகனங்களை மறித்து கும்பலாக நடனம்
பதிவு : டிசம்பர் 02, 2018, 09:40 AM
கன மழை பாதிப்பில் இருந்து, மெல்ல மெல்ல மீண்டெழுந்து வரும் கேரள மாநிலத்தை, தற்போது புரட்டிப் போட்டு வரும் ஒரு சவால் குறித்து விளக்குகிறது.
இதற்குப் பெயர் தான் "Nillu Nillu challenge..." கேரள மாநில காவல்துறைக்கு பெரும் தலைவலியை ஏற்படுத்தி இருக்கிறது, இந்த சவால். பொது மக்களும், வாகன ஓட்டிகளும், இதனால் பீதி அடைந்து வருகின்றனர். "ஐஸ் பக்கெட் சேலஞ்ச் - ஃபிட்னஸ் சேலஞ்ச்'' என்று  ஜனரஞ்சகமாக இல்லாமல், சில மாதங்களுக்கு முன்னர், மிகுந்த ஆபத்தை ஏற்படுத்தக் கூடிய ''கிகி சேலஞ்ச்'' இணையத்தில் பிரபலமானது. ஓடும் காரில் இருந்து கீழே இறங்கி நடனமாடிய படியே முன்னேற வேண்டும் என்ற சவாலுக்கு பலரும் களமிறங்கினர்.

'இந்த நடனத்தால் விபத்து ஏற்படும் என்பதால், யாரும் கிகி சேலஞ்ச்சில் ஈடுபட வேண்டாம்' என காவல்துறையினர் எச்சரித்தனர். அதனையும் மீறி, கிகி சேலஞ்ச் மேற்கொண்டவர்கள் மீது கடும் நடவடிக்கையும் எடுத்தனர். இந்த நிலையில் தான், கேரளாவில் 'நில்லு நில்லு சேலஞ்ச்' பிரபலமாகி வருகிறது. 

கடந்த 2004-ஆம் ஆண்டு, "Rain Rain Come Again" என்ற மலையாள படம் வெளியானது. இந்த படத்தில் 'நில்லு நில்லு' என்ற பாடல் இடம் பெற்றிருந்தது. இந்த திரைப்படம் வெளியாகி, 14 ஆண்டுகள் ஆன நிலையில், தற்போது இந்த பாடல் பிரபலமாகி வருகிறது. இப்பாடலுக்கு தான், கேரள மக்கள் 'நில்லு நில்லு சேலஞ்ச்' மேற்கொண்டு வருகின்றனர். இதன்படி, வாகனத்தில் செல்பவர்களை இடையில் மறிக்கும் நான்கைந்து பேர் கொண்ட கும்பல், அவர்களின் முன்னால் 'நில்லு நில்லு' பாடலுக்கு நடனமாடுகின்றனர். கையில் இலைகள் அல்லது தலையில் ஹெல்மெட்டை அணிந்தபடி அவர்கள் நடனமாடுகின்றனர். தனியாகச் செல்பவர்களையும் விட்டு வைப்பதில்லை...

நடிகர் விஷ்ணு உன்னி கிருஷ்ணன், தமது படத்திற்காக மற்றொரு நடிகருடன் இணைந்து இதுபோன்று நடனமாடியிருந்தார். இந்த வீடியோவைத் தொடர்ந்தே இந்த சவால் பிரபலமாகி வருகிறது. இதுபோன்ற விபரீதத்தில் ஈடுபட வேண்டாம் என கேரள காவல்துறையினர் அறிவுறுத்தியுள்ளனர். வீடியோ மூலமாகவும் விழிப்புணர்வை ஏற்படுத்தி வருகின்றனர். 

தொடர்புடைய செய்திகள்

மேகதாது அணை- விசாரணை ஒத்திவைப்பு

மேகதாது அணை விவகாரம் தொடர்பான வழக்கு விசாரணையை உச்சநீதிமன்றம் நான்கு வாரங்களுக்கு ஒத்தி வைத்துள்ளது.

94 views

முழு அடைப்பின் போது கலவரம்,வெடிகுண்டு வீச்சு: கேரள போலீசார் வெளியிட்டுள்ள சிசிடிவி காட்சிகள்

சபரிமலையில் இரண்டு பெண்கள் சாமி தரிசனம் செய்ததற்கு எதிர்ப்பு தெரிவித்து, நடைபெற்ற முழு அடைப்பு போராட்டத்தின் போது நெடுமங்காடு என்னும் பகுதியில் உள்ள காவல் நிலையத்தின் மீது வெடி குண்டுகள் வீசப்பட்டன.

1762 views

சபரிமலையில் பெண்கள் நுழைய எதிர்ப்பு தெரிவித்து, கோவையில் பேரணி...

புகழ்பெற்ற சபரிமலை அய்யப்பன் கோவிலுக்கு அனைத்து தரப்பு பெண்களும் செல்ல உச்சநீதிமன்றம் அனுமதி அளித்துள்ளதற்கு எதிர்ப்பு தெரிவித்து, கோவையில், ஐயப்ப பக்தர்கள் சேவா சங்கம் சார்பில் நடைபெற்ற பேரணியில் சுமார் 3 ஆயிரம் பேர் பங்கேற்றனர்.

427 views

பிற செய்திகள்

தனியார் தொழில்நுட்பக்கல்லூரியில் பட்டமளிப்பு விழா

தேசிய தொழில்நுட்பக்கல்வி கவுன்சிலின் தலைவர் அனில் சகஸ்ரபுதே பங்கேற்று மாணவ மாணவியருக்கு பட்டங்களை வழங்கினார்.

12 views

சீனா : வசந்தகால திருவிழா கோலாகலம்

சீனாவில் வசந்தகால திருவிழா அந்நாட்டு மக்களால் கோலாகலமாக கொண்டாடப்பட்டு வருகிறது.

10 views

"உங்களை போலவே என் நெஞ்சத்திலும் ஆத்திர நெருப்பு" - மோடி ஆவேச பேச்சு

நாட்டுமக்களுக்குள் எரிந்து கொண்டிருக்கும் அதே ஆத்திர நெருப்பு தான் தன்னுடைய நெஞ்சத்திலும் கொழுந்துவிட்டு எரிந்து கொண்டிருப்பதாக புல்வாமா தாக்குதல் குறித்து பிரதமர் மோடி ஆவேசமாக தெரிவித்துள்ளார்.

18 views

கரிகால சோழீஸ்வரர் கோயிலில் தேர் வெள்ளோட்டம்

சிவகங்கை கரிகால சோழீஸ்வரர் கோயிலில் தேரோட்டத்துக்கான வெள்ளோட்டம் நடைபெற்றது.

25 views

இருசக்கர வாகனத்தை திருடி சென்ற மர்ம கும்பல் : ஜி.பி.எஸ். கருவி உதவியுடன் விரட்டி பிடித்த போலீசார்

சென்னையில் இருசக்கர வாகனத்தை திருடி சென்றவர்களை ஜிபிஎஸ் கருவி உதவியுடன் ஆட்டோவில் பின்​தொடர்ந்து சென்று போலீசார் மடக்கி பிடித்தனர்.

63 views

தமிழகம், புதுவையில் லேசான மழைக்கு வாய்ப்பு

தமிழகம் மற்றும் புதுவையில் அடுத்த 24 மணி நேரத்தில் ஓரிரு இடங்களில் லேசான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

26 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.