ராஜீவ் காந்தியை கொன்றது தாம் அல்ல - மத்திய உள்துறை அமைச்சருக்கு சாந்தன் கடிதம்

* கடந்த 27 ஆண்டுகளாக ராஜீவ்காந்தி கொலை வழக்கில், சிறை தண்டனை அனுபவித்து வரும் சாந்தன், தம்மை விடுதலை செய்ய கோரி, மத்திய உள்துறைக்கு அமைச்சருக்கு 4 பக்கத்திற்கு உருக்கமான கடிதம் ஒன்று எழுதியுள்ளார். 

* அதில், இலங்கை தமிழர்கள், கொழும்பு வழியாக செல்லாமல் வெளிநாடுகளுக்கு சென்னை வழியாக பயணிப்பது வழக்கம் என்றும், அப்படித்தான் ஆஸ்திரேலியா செல்லும் நோக்கத்துடன் தாம் தமிழகம் வந்ததாக கூறியுள்ளார். 

 

* அந்த நேரத்தில், தாம் விடுதலை புலிகள் அமைப்பில், உறுப்பினராக இருந்ததாகவும் அப்போது அந்த அமைப்பிற்கு, இந்தியாவில் தடையில்லை என்றும், சாந்தன் விவரித்துள்ளார். 

* 1991 ல் தாம் கைது செய்யப்பட்ட போது, நீதிமன்றத்தில், சாட்சியம் அளித்தவர் வேறு ஒரு சாந்தனின் புகைப்படத்தை காட்டியதாகவும் அவர் விவரித்துள்ளார். அந்த வழக்கின் தீர்ப்பில், பல குளறுபடிகள் இருப்பதாகவும் சாந்தன் பட்டியலிட்டுள்ளார்.

*  தற்போது, பழையவற்றை புறந்தள்ளி விட தாம் விரும்புவதாகவும் அவர் குறிப்பிட்டுள்ளார். இலக்கியம், ஆன்மீகம் ஆகியவற்றில் நேரத்தை செலவிடும் தாம்,  எழுதிய 5 புத்தகங்கள் வெளி வந்துள்ளதாகவும் அவர் குறிப்பிட்டுள்ளார். 

* வயதான தாய்க்கு செய்ய வேண்டிய கடமையை செய்ய தாம் விரும்புவதாகவும் தம்மை உறவுகளுடன் சேர்த்து வைக்க வேண்டும் என்றும் அவர் கோரிக்கை விடுத்துள்ளார். 

 * காந்தியை கொன்ற கோட்சே, 16 வது ஆண்டில் விடுதலை செய்யப்பட்டதாகவும், அதன் பின்னர் அவர் காந்தியை கொன்றதை நியாயப்படுத்தி பேசியதாகவும், சாந்தன் அந்த கடிதத்தில் குறிப்பிட்டுள்ளார். 

* ராஜீவ்காந்தியை தாம் கொல்லவில்லை என்றும் அந்த கொலையை தாம் ஆதரிக்கவில்லை என்றும் சாந்தன் விளக்கம் அளித்துள்ளார்.

*  சிரமம் மிகுந்த சிறை வாழ்க்கையை முடித்து தாம் சிறகடிக்க உதவுங்கள் என்றும் அந்த கடிதத்தில் சாந்தன், உருக்கமாக வேண்டுகோள் விடுத்துள்ளார்.