இந்திய எம்.எல்.ஏக்களின் சராசரி மாத வருமானம் எவ்வளவு?...
இந்தியாவில் எம்.எல்.ஏக்களின் சராசரி மாத வருமானம் எவ்வளவு என்ற தகவல் வெளியாகியுள்ளது.
இதற்காக மூவாயிரத்து 145 சட்டமன்ற உறுப்பினர்களின் பிரமாணப் பத்திரங்களை ஆராய்ந்து அறிக்கை வெளியிட்டுள்ளது, ADR எனப்படும் ஜனநாயக சீர்திருத்தங்களுக்கான சங்கம். இந்தியாவில், அதிக பணக்கார எம்.எல்.ஏ-க்கள் இருப்பது கர்நாடகாவில் தான் என்கிறது இந்த அறிக்கை. கர்நாடக எம்.எல்.ஏக்கள் சராசரியாக மாதம் 9 லட்சம் ரூபாய் சம்பாதிக்கிறார்கள்.
பணக்கார எம்.எல்.ஏ-க்கள் உள்ள மாநிலங்கள் வரிசையில், தமிழகத்திற்கு 8வது இடம் கிடைத்துள்ளது. தமிழக எம்.எல்.ஏ ஒருவரின் சராசரி மாத வருமானம் மாதத்திற்கு 2 லட்சம் ரூபாய். இது தவிர, ஒவ்வொரு சட்டமன்ற உறுப்பினருக்கும் அரசு தனியாக சம்பளம் வழங்குகிறது. சமீபத்தில், அந்த தொகை 55 ஆயிரத்திலிருந்து 1 லட்சமாக உயர்த்தப்பட்டுள்ளது குறிப்பிடத்தக்கது. மிகவும் குறைவான வருமான உடையவர்கள் சத்தீஸ்கர் எம்.எல்.ஏ-க்கள் தான். அவர்களுக்கு மாதம் 45,000 ரூபாய் மட்டுமே வருமானமாக கிடைக்கிறது.
Next Story