தங்க சர்வ பூபால வாகனத்தில் எழுந்தருளி பக்தர்களுக்கு அருள் பாலித்த ஏழுமலையான்..

முன்னதாக, கல்வ விருட்ச வாகனத்தில் மலையப்ப சுவாமி ஸ்ரீதேவி, பூதேவி தாயார்களுடன் பக்தர்களின் கோவிந்தா கோஷத்திற்கு மத்தியில் மாட வீதியில் வலம் வந்தார். சம்பங்கி மண்டபத்தில் ஸ்ரீதேவி, பூதேவி சமேத மலையப்ப சுவாமிக்கு வேத பண்டிதர்கள் வேதம் ஓத, அர்ச்சகர்கள் ஆகம முறைப்படி திருமஞ்சன சேவை செய்தனர்.  இதைத்தொடர்ந்து கோவில் ஜீயர்கள் முன்னிலையில் திருமஞ்சனம் நடைபெற்றது. இன்று கருடசேவை நடைபெறுவதையொட்டி வெளி நாடுகளிலிருந்தும் இந்தியாவின் பல்வேறு மாநிலங்களிலிருந்து பிரத்யேகமாக கொண்டுவரப்பட்ட பூக்கள் மற்றும் மின் விளக்குகளால் கோவில் அலங்கரிக்கப்பட்டுள்ளது.