இந்திய ராணுவத்துக்கு ரூ.46 ஆயிரம் கோடியில் புதிய ஹெலிகாப்டர்கள், நவீன ஆயுதங்கள்...

நாட்டின் முப்படைகளுக்கு தேவையான ஆயுதங்களை வாங்கும் குழுவின் கூட்டம் மத்திய பாதுகாப்பு துறை அமைச்சர் நிர்மலா சீதாராமன் தலைமையில் டெல்லியில் நடைபெற்றது. இந்த கூட்டத்தில் இந்திய ராணுவத்துக்கு 21 ஆயிரம் கோடி ரூபாய் செலவில் 111 புதிய ஹெலிகாப்டர்கள் வாங்க ஒப்புதல் அளிக்கப்பட்டது. 24 ஆயிரத்து 879 கோடி ரூபாய்க்கு பிற ஆயுதங்கள் வாங்கவும், 3 ஆயிரத்து 364 கோடி ரூபாய் செலவில் அதிநவீன துப்பாக்கிகள் வாங்கவும் ஒப்புதல் அளிக்கப்பட்டதாக பாதுகாப்புத்துறை அமைச்சக அதிகாரிகள் தெரிவித்தனர்.