திருப்பதி கோயிலில் கும்பாபிஷேக விழா : "விழா நாட்களில் பக்தர்கள் அனுமதிக்கப்படுவார்கள்" - கோயில் செயல் அலுவலர் அறிவிப்பு

திருப்பதி ஏழுமலையான் கோயிலில் கும்பாபிஷேகம் அடுத்த மாதம் நடக்கிறது.  இதையொட்டி, ஆகஸ்ட் 11ம் தேதி முதல் 16-ம் தேதி வரை பக்தர்கள் அனுமதிக்கபட மாட்டார்கள் என கூறப்பட்டது. 

இந்நிலையில், கோயில் செயல் அலுவலர் அனில்குமார் சிங்கால் செய்தியாளர்களுக்கு அளித்த பேட்டியில், ஆகஸ்ட் 11-ம் தேதி முதல் ஆகஸ்ட் 16ஆம் தேதி, குறைந்த எண்ணிக்கையில் பக்தர்கள் தரிசனத்துக்கு அனுமதிக்கப்படுவார்கள் என்றார்.

இது தொடர்பாக, பக்தர்களிடம் வரும் 23ஆம் தேதி வரை கருத்துகள் கேட்கப்படும் என்றும், அதன்பிறகு அறங்காவலர் குழு கூட்டத்தில் முடிவு செய்யப்படும் எனவும் அவர் தெரிவித்தார்.