அரசியல் சர்ச்சைக்கு அஜித் வைத்த முற்றுப்புள்ளி...

அன்று தொடங்கி தல என்றே செல்லமாக அழைக்கப்பட்டார் அஜித்குமார்... ஆனால் அதையும் விரும்பாதவர், டிசம்பரில் தன்னை பட்டப்பெயர் வைத்து அழைக்கவேண்டாம் என்று அறிக்கையே வெளியிட்டார். அன்று முதல் ரசிகர்கள் மனதில் ஏ.கே.வானார் அஜித்குமார்.

ஏராளமான பிளாக்பஸ்டர்களும், தொடர் தோல்விகளும் நிறைந்தது அஜித்தின் திரைவாழ்க்கை.. என் அளவுக்கு தொடர் தோல்வியை வேறு யாராவது கொடுத்திருந்தால் அவர்கள் சினிமா துறையிலேயே இருந்திருக்க முடியாது என்று அஜித்தே கூறிய வரலாறும் உண்டு...

இதுமட்டுமல்ல, நேருக்கு நேர், நான் கடவுள், கஜினி, நந்தா, காக்க காக்க போன்ற படங்கள் அஜித் நழுவவிட்ட படைப்புகள் என்பது அவரது ரசிகர்கள் வருந்தும் செய்தி..

இதுஒருபக்கம் என்றால், உடல்ரீதியாகவும் அவர் சந்தித்த சோதனைகள் பல...

2002 காலக்கட்டத்தில் கார் பந்தய விபத்தில் சிக்கி முதுகுதண்டு அறுவை சிகிச்சை செய்த போது, அஜித் மீண்டு வருவதே சிரமம் என பேசப்பட்டது... ஆனால் மீண்டு வந்து பீனிக்ஸ் பறவையாக பறந்தார்.

ஆரம்பம் படம் சமயத்தில் மீண்டும் விபத்தில் சிக்கினார். காலில் அடிப்பட்டது.. அறுவை சிகிச்சை செய்தார்... நடிப்புக்கு திரும்பினார்.

வாழு வாழவிடு என்ற வாசகத்துடன் ரசிகர்களுடன் உறவாடும் அஜித், சினிமாவை தாண்டி பொதுவெளியில் தோன்றுவது அரிது.. ஆனாலும் அவ்விடத்தில் பேசுபொருளாக அவர் இருப்பதே அவரது ஆளுமை சொல்லும் செய்தி.

ஒருமுறை, திரைத்துறையினரை கட்டாயப்படுத்தி மிரட்டி நிகழ்ச்சிகளுக்கு வரவழைப்பதாக முன்னாள் முதலமைச்சர் கருணாநிதி முன்பு பொதுமேடையில் அஜித் போட்டு உடைத்தது பெரும் சலசலப்பை ஏற்படுத்தியது...

முன்னாள் முதலமைச்சர் ஜெயலலிதா மறைந்த சமயத்தில் நிச்சயம் அதிமுகவின் எதிர்காலம் அஜித்குமார் என்ற பேச்சுகளும் உலாவின...

அதனை கண்டுகொள்ளாதவர், 2019ல் அவரது ரசிகர்கள் பாஜகவில் இணைந்ததாக சர்ச்சை எழுந்தபோது, தனக்கு அரசியலில் ஈடுபட ஆர்வம் இல்லை. வரிசையில் நின்று வாக்களிப்பது மட்டுமே எனது உச்சகட்ட அரசியல் என கூறி முற்றுப்புள்ளி வைத்தார் அஜித்.

இப்படி சினிமா தொடங்கி தான் தொட்ட அனைத்திலும் அஜித்குமார் தனி ரகம்... அதுவே ரசிகர்கள் அவரை விரும்புவதற்கான அடிநாதம்....