மாஸ்டர் படத்திற்கு சிக்கலா...? இணை தயாரிப்பாளர் வீட்டில் சோதனை

அண்மையில் பிகில் படத்தின் வசூல் தொடர்பாக, அப்படத்தின் தயாரிப்பாளர் அர்ச்சனா கல்பாத்தி, பைனான்சியர் அன்புச்செழியன் உள்ளிட்டோர் வீடுகளில் வருமான வரித்துறையினர் அதிரடிசோதனை நடத்தினர்.  சோதனையின் முடிவில் அன்புச்செழியனுக்கு சொந்தமான இடங்களில் 77 கோடி ரூபாய் பணம் பறிமுதல் செய்யப்பட்டது. இந்த விவகாரத்தில், நடிகர் விஜய் வீட்டில் சோதனை நடத்தப்பட்டு, நோட்டீஸ் அனுப்பப்பட்டது. இந்நிலையில் வருமான வரித்துறையினர், விஜய் நடித்துள்ள மாஸ்டர் படத்தின் இணை தயாரிப்பாளரான லலித் குமார் வீட்டில் சோதனை மேற்கொண்டனர். இதில், முக்கிய ஆவணங்கள் சிக்கியதாக கூறப்படுகிறது. மாஸ்டர் படத்தின் இசை வெளியீட்டு விழா நடைபெற இன்னும் சில நாட்களே உள்ள நிலையில், இந்த சோதனை நடைபெற்றிருப்பது, சினிமா வட்டாரத்தில் பரபரப்பை ஏற்படுத்தி உள்ளது.