தமிழ்நாடு இயக்குனர் சங்க தலைவராக ஆர்.கே.செல்வமணி தேர்வு

சுமார் 3 ஆயிரம் உறுப்பினர்களை கொண்ட தமிழ்நாடு திரைப்பட இயக்குநர்கள் சங்கத்தின் பல்வேறு பொறுப்பாளர்களை தேர்வு செய்வதற்கான தேர்தல், சென்னை வடபழனியில் நடைபெற்றது. வாக்குகள் உடனடியாக எண்ணப்பட்டு முடிவுகள் அறிவிக்கப்பட்டன. தலைவர் பதவிக்கு போட்டியிட்ட ஆர்.கே.செல்வமணி சுமார் ஆயிரத்து 386 வாக்குகள் பெற்று வெற்றி பெற்றார்.அவரை எதிர்த்துப் போட்டியிட்ட சி பி வித்யாசாகர் 100 வாக்குகளை மட்டுமே பெற்றார். துணை தலைவர் பதவிக்கு போட்டியிட்ட கே.எஸ். ரவிக்குமார் உள்ளிட்டோர் வெற்ளி பெற்றனர். சுந்தர் சி, ஏகாம்பவானன், லிங்குசாமி, சித்ரா லட்சுமணன் ஆகியோர் இணை செயலாளர்களாக தேர்ந்தெடுக்கப்பட்டனர். ஏற்கனவே பொதுச்செயலாளராக ஆர்வி.உதயகுமாரும், பொருளாளராக பேரரசும் போட்டியின்றி தேர்ந்தெடுக்கப்பட்டுள்ளனர்.இதைத்தொடர்ந்து செய்தியாளர்களிடம் பேசிய ஆர்.கே.செல்வமணி, உறுப்பினர்களுக்கு வீடுகள் கட்டி கொடுக்க நடவடிக்கை எடுக்கப்படும் என தெரிவித்தார்.