Annamalai | அண்ணாமலைக்கு அவசர அழைப்பு - `பவர்புல்’ பதவி கொடுக்கும் தலைமை?

டெல்லி மேலிடத்தில் இருந்து அண்ணாமலைக்கு வந்த அழைப்பு தமிழக பாஜக முன்னாள் தலைவர் அண்ணாமலைக்கு டெல்லி மேலிடத்திலிருந்து அவசர அழைப்பு வந்ததையடுத்து, அவர் தனி விமானம் மூலம் டெல்லி புறப்பட்டுச் சென்றுள்ளார். காரைக்காலில் தேர்தல் பிரச்சாரத்தில் இருந்த அண்ணாமலை, பிரதமர் மோடி மற்றும் அமித்ஷாவின் அழைப்பின் பேரில் அவசரமாக சென்னை திரும்பி, அங்கிருந்து தனி விமானம் மூலம் டெல்லிக்குப் புறப்பட்டார். தமக்குத் தேர்தல் வாய்ப்பு மறுக்கப்பட்டது குறித்து அண்ணாமலை ஏற்கனவே விரக்தியுடன் பேசியிருந்த நிலையில், இந்தத் திடீர் அழைப்பு முக்கியத்துவம் பெறுகிறது. அவருக்குக் கட்சியில் கூடுதல் அல்லது முக்கியப் பொறுப்புகள் வழங்கப்படலாம் என எதிர்பார்க்கப்படுகிறது. முன்னதாக புதுச்சேரி மற்றும் தமிழகத்தில் தங்களது பிரச்சாரத்தை முடித்துக் கொண்ட ஜெ.பி.நட்டா மற்றும் பியூஸ் கோயல் சென்னையிலிருந்து தனி விமான மூலம் டெல்லி புறப்பட்டனர்