ஆரம்பமாகிறது கால்பந்து உலகக்கோப்பை திருவிழா கால்பந்து உலகக்கோப்பை மறக்க முடியாத தருணங்கள்

FOOTBALL.... கோடிக்கணக்கான ரசிகர்களின் உயிர்மூச்சு.... உணர்வோடு உணர்வாகக் கலந்தது.... அப்படிப்பட்ட ஒரு விளையாட்டின் சிகர நிகழ்வுதான் 4 ஆண்டுகளுக்கு ஒரு முறை நடைபெறும் FIFA உலகக்கோப்பை…

உலகின் மிகப்பெரிய விளையாட்டு திருவிழாவான FIFA உலகக்கோப்பை தொடர் முதன் முதலில் 1930ஆம் ஆண்டு நடைபெற்றது.. அப்போதைய FIFA தலைவர் ஜூல்ஸ் ரிமெட் (Jules Rimet) எடுத்த முயற்சியால் வரலாற்றுச் சிறப்புமிக்க தொடர் சாத்தியமானது..

உருகுவே நாட்டில் நடைபெற்ற முதல் FIFA உலகக்கோப்பை தொடரில் 13 அணிகள் பங்கேற்றன. இறுதிப்போட்டியில் அர்ஜென்டினாவை வீழ்த்தி முதல் உலகக்கோப்பையை உருகுவே முத்தமிட்டது..

1930 முதல் 2022ம் ஆண்டு வரை 22 FIFA உலகக்கோப்பை தொடர்கள் நடைபெற்றுள்ளன. இதில் பிரேசில் 5 முறையும், ஜெர்மனி, இத்தாலி தலா 4 முறையும், அர்ஜென்டினா 3 முறையும், பிரான்ஸ், உருகுவே தலா 2 முறையும், இங்கிலாந்து, ஸ்பெயின் தலா ஒரு முறையும் கால்பந்து உலகக்கோப்பையை வசப்படுத்தியுள்ளன...

FIFA உலகக்கோப்பையில் பல்வேறு சுவாரஸ்யமான தருணங்கள், அதிர்ச்சியூட்டும் மோதல்கள் நடந்துள்ளன.....

1986ம் ஆண்டு உலகக்கோப்பையில் இங்கிலாந்துக்கு எதிராக அர்ஜென்டினா ஜாம்பவான் மரடோனா தனது கையால் தட்டிவிட்ட கோல் 'Hand of god' ஆக வரலாற்றின் பக்கங்களில் இடம்பிடித்தது...

அதே போட்டியில் 5 இங்கிலாந்து வீரர்களைத் தனியாகக் கடந்து சென்று மரடோனா அடித்த மற்றொரு கோல், 'நூற்றாண்டின் சிறந்த கோல்' என சிலாகிக்கப்படுகிறது.

1958ம் ஆண்டு உலகக்கோப்பையில் வெறும் 17 வயதே நிரம்பிய பிரேசில் இளம் புயல் பீலே (Pele), தனது அசாத்திய திறமையால் பிரேசிலுக்கு முதல் உலகக்கோப்பையை வென்று தந்தார். 3 உலகக்கோப்பைகளை வென்ற ஒரே வீரர் என்ற சாதனையும் பீலேவுக்கு மட்டுமே சொந்தம்....

2006ம் ஆண்டு உலகக்கோப்பை இறுதிப்போட்டியில் பிரான்ஸ் ஜாம்பவான் சினிடேன் சிடேன் இத்தாலி வீரர் மடராசியின் நெஞ்சில் தலையால் முட்டியதால் red card பெற்று ஆட்டத்தில் இருந்து வெளியேற்றப்பட்டார்.. இந்த நிகழ்வை கால்பந்து ரசிகர்கள் மறக்கவே மாட்டார்கள்....

2022ம் ஆண்டு கத்தாரில் நடைபெற்ற உலகக்கோப்பை தொடர் அர்ஜென்டினா ரசிகர்களால் மட்டுமின்றி உலகம் முழுவதும் உள்ள கால்பந்து ரசிகர்களுக்கு மறக்கமுடியாத ஒரு தொடராக அமைந்தது..

ஆரம்பத்தில் சற்று சறுக்கினாலும் அடுத்தடுத்த போட்டிகளில் சீறிப்பாய்ந்த அர்ஜென்டினா, இறுதிப்போட்டியில் பிரான்ஸை சந்தித்தது....

முதல் பாதியில் 2 கோல்கள் அடித்து அர்ஜென்டினா முன்னிலை பெற்றது.. மெஸ்ஸி உலகக்கோப்பையை வெல்லப்போவது உறுதி என ரசிகர்கள் உற்சாகமாக இருந்த நேரத்தில், 2வது பாதியில் அர்ஜென்டினாவுக்கு அடுத்தடுத்து அதிர்ச்சி கொடுத்தார் பிரான்ஸ் வீரர் கிலியான் எம்பாப்பே…

உச்சக்கட்ட பரபரப்பில் நடந்த இந்த போட்டியில் ஷூட் அவுட்டில் அர்ஜென்டினா வெற்றி பெற்று,

3வது முறையாக மகுடம் சூடியது... மெஸ்ஸியின் பெருங்கனவும் நனவானது....

ஆரம்பத்தில் 13 அணிகளுடன் தொடங்கப்பட்ட கால்பந்து உலகக்கோப்பை, உலகளவில் கால்பந்தின் அசுர வளர்ச்சியால் தற்போது அமெரிக்கா, மெக்சிகோ, கனடா ஆகிய நாடுகளில் நடைபெறும் தொடரில் 48 அணிகள் பங்கேற்கும் பிரம்மாண்ட திருவிழாவாக மாறியுள்ளது.

மெக்சிகோவில் உள்ள எஸ்டாடியோ பனோர்டே மைதானத்தில் நடைபெறும் முதல் போட்டியில் மெக்சிகோ - தென் ஆப்பிரிக்கா அணிகள் மோதுகின்றன… நடப்பு சாம்பியனான அர்ஜென்டினா தனது முதல் போட்டியில் அல்ஜீரியாவை 16ம் தேதி எதிர்க்கொள்கிறது…

மெஸ்ஸி, ரொனால்டோ, லூகா மாட்ரிச் என ஒவ்வொரு அணியிலும் ஆதர்ச நாயகன்கள் அணிவகுத்து நிற்க ஒரு மாத காலத்திற்கு கால்பந்து ரசிகர்களுக்கு FIFA உலகக்கோப்பை தொடர் விருந்து படைக்கவுள்ளது...