இங்கிலாந்தில் நடைபெற்று வரும் அழகிப் போட்டியில், சாரா இஃப்தேகர் (Sara Iftekhar) என்ற 20 வயது இஸ்லாமிய பெண் இறுதிச் சுற்றுக்கு தகுதி பெற்றுள்ளார். அதில், ஹிஜாப் எனப்படும் முக்காடு அணிந்தபடி பங்கேற்க அவர் முடிவு செய்துள்ளார். அழகி போட்டியின் தகுதி சுற்றுகளில், 'ஹிஜாப்' அணிந்து, ஏற்கெனவே போட்டியாளர்கள் பங்கேற்றுள்ள நிலையில் இறுதி போட்டியில் ஹிஜாப்புடன் பெண் ஒருவர் கலந்து கொள்வது இதே முதல்முறை. இது குறித்து பேசிய சட்ட கல்லூரி மாணவியான சாரா, 'எடை, இனம், நிறம், உருவத்திற்கு அப்பாற்பட்டு, ஒவ்வொருவரும் தங்கள் சொந்த வழியில் அழகானவர்கள் தான்' என கூறியுள்ளார்.
