உலகின் மிகப்பெரிய மின்சார விமானத்தை தயாரித்துள்ள சீன நிறுவனம்

சீனாவின் ஷாங்காய் நகரில் உள்ள ஆட்டோ பிளைட் AUTO FLIGHT நிறுவனம் 5 டன் எடையுள்ள மின்சாரத்தில் இயங்கும் புது ரக விமானத்தை தயாரித்துள்ளது.

மேட்ரிக்ஸ் (Matrix) அல்லது V5000 என்று அழைக்கப்படும் இந்த விமானம் உலகின் மிகப்பெரிய மின்சார விமானமாக கருதப்படுகிறது.

ஒரே நேரத்தில் 10 பயணிகள் வரை ஏற்றிச் செல்லும் திறன் கொண்ட இந்த விமானம் 20 மீட்டர் இறக்கைகள் (Wingspan) மற்றும் 17.1 மீட்டர் நீளம் கொண்டது.

இது பயணிகள் (Air Taxi) மற்றும் 1.5 டன் வரையிலான சரக்கு போக்குவரத்துக்கு பயன்படுத்தப்பட உள்ளது.

செங்குத்தாக மேலே எழும்பி, பின்னர் சாதாரண விமானம் போல் கிடைமட்டமாக பறக்கும் தொழில்நுட்பத்தை (Lift & Cruise) இது பயன்படுத்துகிறது.

இந்த விமானத்தின் சோதனையோட்டம் (Transition flight) வெற்றிகரமாக முடிவடைந்துள்ளது குறிப்பிடத்தக்கது.