"ஆசையாக விருந்துக்கு வந்த காதல் ஜோடியை வெட்டி வீசிய பெண்ணின் சகோதரர்" நடந்தது என்ன..?

கும்பகோணம் அருகே சோழபுரத்தில் புதுமண தம்பதி வெட்டிக் கொலை செய்யப்பட்டுள்ளனர். கும்பகோணம் அருகே உள்ள சோழபுரம் பகுதியை சேர்ந்தவர் சரண்யா. இவர் திருவண்ணாமலையை சேர்ந்த சேகர் என்பவரை காதலித்து கடந்த 5 நாட்களுக்கு முன்பு திருமணம் செய்து கொண்டனர். திருமணம் முடிந்து சென்னையில் தங்கியிருந்த நிலையில் பிரச்சனை வேண்டாம் என கூறி சரண்யாவின் குடும்பத்தினர் அவர்களை விருந்துக்கு அழைத்தனர். இதனை ஏற்று சொந்த ஊர் வந்த தம்பதியினர் வெட்டிக் கொலை செய்யப்பட்டுள்ளனர். 5 நாட்களுக்கு முன்பு காதல் திருமணம் செய்த சரண்யா, அவரது கணவர் சேகர் ஆகியோர் ஊர் திரும்பிய நிலையில் கொலை செய்யப்பட்டுள்ளதால் சோழபுரம் பகுதியில் பதற்றம் நிலவி வருகிறது.