Sivagangai | ரூ.60 கரண்ட் பில் வந்த இடத்தில் ரூ.6000 - இதற்கு மின் ஊழியர்கள் சொன்ன பதில்தான் ஷாக்கே

சிவகங்கை மாவட்டம் கீழடி அருகே, ஓட்டு வீட்டில் வசிக்கும் முதிய தம்பதியருக்கு, சுமார் 6 ஆயிரம் ரூபாய் மின் கட்டணம் வந்ததால் அதிர்ச்சியடைந்தனர்.

சொட்டதட்டி கிராமத்தைச் சேர்ந்த கூலித் தொழிலாளிகளான கோட்டைச்சாமி - முனியம்மாள் தம்பதியர், இரு மாதங்களுக்கு ஒரு முறை, ஏழு ரூபாய், 45 ரூபாய், 65 ரூபாய் மட்டுமே மின் கட்டணம் செலுத்தி வந்துள்ளனர். இந்நிலையில், நவம்பர் மாதத்தில் 5 ஆயிரத்து 967 ரூபாய் மின் கட்டணம் வந்ததால், அதுகுறித்து துணைமின் நிலையத்தில் புகார் அளித்தனர்.

இதுகுறித்து ஆய்வு செய்த ஊழியர்கள், மின் மீட்டரில் பழுது இல்லை என்றும், மின்சாரம் பயன்படுத்தியதற்கான கட்டணம் தான் இது என்றும் கூறி, கட்டணத்தை செலுத்த வலியுறுத்தினர்.