ஆசிரியர் தேர்வு வாரியத்தை, தமிழ்நாடு அரசு பணியாளர் தேர்வாணையத்துடன் இணைக்கும் முடிவை கைவிட வேண்டும் என்று, முதலமைச்சருக்கு, அதிமுக ஒருங்கிணைப்பாளர் ஓ.பன்னீர்செல்வம் வலியுறுத்தியுள்ளார். அவர் வெளியிட்டுள்ள அறிக்கையில், இது தொடர்பாக நாளிதழில் வந்துள்ள செய்தியை பார்க்கும் போது, அழிப்பது சுலபம் ஆக்குவது கடினம் என்பது தான் நினைவுக்கு வருகிறது என்று கூறியுள்ளார். ஆசிரியர் தேர்வு வாரியத்தை கலைத்துவிட்டு,பணியாளர் தேர்வாணையத்துடன் இணைத்தால் ஆசிரியர் நியமனத்தில் தொய்வு ஏற்படும் என்று கூறியுள்ளார். இந்த முடிவை தமிழக அரசு கைவிட வேண்டும் என்று, ஓ.பன்னீர்செல்வம் வலியுறுத்தியுள்ளார்.
