* வேட்டி, சேலை விநியோகம் தொடர்பாக, தமிழக அரசு விடுத்துள்ள செய்திக்குறிப்பில், அனைத்து நியாய விலைக் கடைகளிலும் போதுமான அளவு விலையில்லா வேட்டி சேலை வந்துவிட்டதா என்பதை அந்தந்த தாலுக்கா அதிகாரிகள் உறுதி செய்ய வேண்டும் எனவும் மாவட்ட ஆட்சியர்கள் தனிப்பட்ட முறையில், விலையில்லா வேட்டி சேலை வழங்குவதை கண்காணித்து, பறக்கும் படை அமைத்து ஆய்வு செய்ய வேண்டும் எனவும் தெரிவிக்கப்பட்டுள்ளது.
* வேட்டி சேலை வழங்கும் போது நியாய விலைக்கடைகளில் சட்டம் ஒழுங்கு பிரச்னையில்லாமல் காவல்துறையினர் கண்காணிப்பு பணியில் ஈடுபட வேண்டும் எனவும் ஜனவரி 31-ம் தேதிக்குள் அனைத்து பயனாளிகளுக்கும் வேட்டி சேலை வழங்கி முடித்திருக்க வேண்டும் எனவும் அறிவுறுத்தப்பட்டுள்ளது.