ஈரோடு குண்டேரிப்பள்ளம் அணையில் சேற்றில் சிக்கிய பெண் யானை உயிரிழப்பு

ஈரோடு மாவட்டம் கோபிசெட்டிபாளையம் குண்டேரிப்பள்ளம் அணை நீர்ப்பிடிப்புப் பகுதியில் வற்றிய சேற்றில் சிக்கிக்கொண்ட 40 வயது மதிக்கத்தக்க பெண் யானை, சிகிச்சை பலனின்றி பரிதாபமாக உயிரிழந்தது.

தண்ணீர் குடிக்க வந்தபோது சேற்றில் சிக்கிய யானையை மீட்க வனத்துறையினர், தீயணைப்புத் துறையினர் மற்றும் மருத்துவக் குழுவினர் ஜேசிபி இயந்திரங்கள் உதவியுடன் தீவிர மீட்புப் பணியில் ஈடுபட்டு வந்தனர்.

எனினும், உடல் சோர்வு மற்றும் முதுமை காரணமாக யானைக்குச் செலுத்தப்பட்ட தீவிர சிகிச்சைகள் பலனளிக்காமல் யானை உயிரிழந்தது.

#elephant #erode #gopichettiyan #thanthitv