கசிந்த பேப்பர்ஸ்.. யார் இந்த தர்மேந்திர பிரதான்?

தமிழகத்திற்கு நிதி தரமுடியாது என்பது முதல் திமுக எம்.பி-க்களை அநாகரீகமானவர்கள் என குறிப்பிட்டது வரை சர்ச்சை கருத்துகளை கூறிய தர்மேந்திர பிரதான் குறித்து தற்போது பார்க்கலாம். கடந்த 1969-ல் ஒடிசாவின் டால்சரில் பிறந்த தர்மேந்திர பிரதான், உத்கல் பல்கலைக்கழகத்தில் மானுடவியலில் முதுகலை பட்டம் பெற்றவர். 1983-ல் பாஜகவின் மாணவரமைப்பில் சேர்ந்த அவர், எம்.எல்.ஏ, எம்.பி என படிப்படியாக முன்னேறி, 2014-ல் பிரதமர் மோடியின் முதல் அமைச்சரவையில், பெட்ரோலியத் துறை அமைச்சரானார். பின்னர் 2021-ல் மத்திய கல்வி அமைச்சராக பொறுப்பேற்ற அவர், சம்பல்பூர் தொகுதியில் வெற்றி பெற்று மீண்டும் அமைச்சரவையில் இடம்பிடித்தார். இவரது பதவி காலத்தில் தான், நாடு முழுவதும் பெரும் விவாதத்தை எழுப்பிய நீட், ஜேஇஇ உள்ளிட்ட போட்டி தேர்வுகளின் வினாத்தாள்கள் கசிந்த சம்பவம் நடைபெற்றது.