சென்னையில் அனைத்து கடைகளுக்கும் 1 வாரம் கெடு - பெயர் பலகையை மாற்றாவிட்டால் உரிமம் ரத்து

சென்னையில் தமிழில் பெயர் பலகை இல்லாத கடைகளுக்கு மாநகராட்சி நோட்டீஸ் வழங்க முடிவு செய்துள்ளது. கடந்த 2023 ஆம் ஆண்டு வெளியிடப்பட்ட தமிழ்நாடு நகர்ப்புற உள்ளாட்சி விதிகளின் படி, கடைகளின் பெயர் பலகையில் தமிழ், ஆங்கிலம், மற்றும் மூன்றாவது மொழி ஆகியவை 5:3:2 என்ற விகிதத்தில் இருக்க வேண்டும் என தெரிவிக்கப்பட்டுள்ளது. இந்நிலையில், சென்னையில் உள்ள கடைகள் 7 நாட்களுக்குள் தமிழில் பெயர் பலகை வைக்க வேண்டும், இல்லையெனில் கடைகளின் உரிமம் தற்காலிகமாக ரத்து செய்யப்படும் என சென்னை மாநகராட்சி எச்சரித்துள்ளது.