பாஜக MLA சரஸ்வதியின் மகள் உருவப் படத்திற்கு ஈபிஎஸ் அஞ்சலி

மொடக்குறிச்சி பாஜக எம்.எல்.ஏ சரஸ்வதியின் மகள் உடல்நலக்குறைவால் காலமான நிலையில் அவரது வீட்டிற்கு அதிமுக பொதுச்செயலாளர் எடப்பாடி பழனிசாமி நேரில் சென்று ஆறுதல் தெரிவித்தார். பாஜக மொடக்குறிச்சி சட்டமன்ற உறுப்பினர் சரஸ்வதியின் மகளும், அதிமுக நிர்வாகியுமான ஆற்றல் அசோக்குமாரின் மனைவியுமான கருணாம்பிகை உடல்நலக்குறைவால் காலமானார். இந்நிலையில், ஈரோடு மாவட்டம் சோளங்காபாளையத்தில் உள்ள கருணாம்பிகையின் இல்லத்திற்கு நேரில் சென்ற அதிமுக பொதுச்செயலாளர் எடப்பாடி பழனிசாமி அவரது குடும்பத்தினருக்கு ஆறுதல் தெரிவித்தார்.