ஸ்காட்லாந்துக்கு எதிரான டி20 கிரிக்கெட் தொடரை ஆஸ்திரேலியா கைப்பற்றியது. எடின்பர்க் நகரில் நடைபெற்ற இரண்டாவது டி20 போட்டியில் முதலில் பேட்டிங் செய்த ஆஸ்திரேலியா, 4 விக்கெட் இழப்புக்கு 196 ரன்கள் குவித்தது. 7 சிக்சர்களைப் பறக்கவிட்ட ஜோஷ் இங்லிஸ் (Josh Inglis) சதம் விளாசி அசத்தினார். பின்னர் 197 ரன்கள் இலக்கை நோக்கி ஆடிய ஸ்காட்லாந்து அணி, 17வது ஓவரில் 126 ரன்களுக்கு ஆல்-அவுட் ஆனது. 70 ரன்கள் வித்தியாசத்தில் வெற்றி பெற்ற ஆஸ்திரேலியா, 3 போட்டிகள் கொண்ட டி20 தொடரை 2க்கு பூஜ்யம் என்ற கணக்கில் வென்றது.