பாரிஸ் ஒலிம்பிக்கில் தகுதி நீக்கம் செய்யப்பட்ட பிறகு பிரதமர் மோடியின் அழைப்பை நிராகரித்ததாக மல்யுத்த வீராங்கனையும் காங்கிரஸ் வேட்பாளருமான வினேஷ் போகத் கூறியுள்ளார். இது தொடர்பாக நேர்காணல் ஒன்றில் பேசியுள்ள வினேஷ் போகத், பிரதமர் மோடி தன்னிடம் பேச விரும்புவதாகவும்,
பிரதமருடன் தான் பேசுவது வீடியோவாக எடுக்கப்பட்டு சமூக வலைதளங்களில் வெளியிடப்படும் என அதிகாரிகள் தெரிவித்ததாகவும் கூறினார். தனது உழைப்பும் உணர்ச்சிகளும் சமூக வலைதளங்களில் வேடிக்கைக்கு உள்ளாக விரும்பாததால் அழைப்பை நிராகரித்ததாகவும் வினேஷ் தெரிவித்துள்ளார்.