Nitin Gadkari | மொத்தமாக முழுக்கு போடுகிறாரா மத்திய அமைச்சர் நிதின் கட்கரி?

மத்திய அமைச்சர் நிதின் கட்கரியின் ஓய்வு குறித்து வெளியான தகவல்கள் உண்மையல்ல என அவரது அலுவலகம் தரப்பில் விளக்கமளிக்கப்பட்டுள்ளது. "முன்பு போல என்னால் பணியாற்ற முடியாது; புதிய தலைமுறையினரிடம் பொறுப்புகளை ஒப்படைக்க வேண்டும்" என்று மத்திய அமைச்சர் நிதின் கட்கரி பேசியது, அவர் அரசியலை விட்டு விலகப் போகிறாரோ என்ற யூகங்களை கிளப்பியது. இந்நிலையில், நிதின் கட்கரி அவர் தோற்றுவித்த 'லக்ஷ்மண்ராவ் மான்கர் டிரஸ்ட்' அமைப்பின் கல்வி நிகழ்ச்சியில் உரையாற்றிய போது, அந்த தொண்டு நிறுவனப் பணிகளில் புதியவர்களை ஈடுபடுத்துவது குறித்தே இவ்வாறு பேசியதாகவும், அவரது அமைச்சர் பதவி அல்லது அரசியல் செயல்பாடுகளுடன் இதை இணைக்க வேண்டாம் என்றும் விளக்கம் அளிக்கப்பட்டுள்ளது.