அதிமுக பொது செயலாளராக பதவியேற்க வாருங்கள் என்று முதலமைச்சர் எடப்பாடி பழனிசாமிக்கு அழைப்பு விடுத்து சென்னை ராயப்பேட்டையில் உள்ள அதிமுக தலைமை அலுவலகம் அருகே போஸ்டர்கள் ஒட்டப்பட்டிருந்தன. இதே போல் அமைச்சர் செங்கோட்டையனை அதிமுக பொது செயலாளராக்க வேண்டும் என்று சுவரொட்டிகள் ஒட்டப்பட்டிருந்தன. தலைமை அலுவலகத்தில் அதிமுக ஆலோசனை கூட்டம் நடைபெற்ற நிலையில் இந்த போஸ்டர்கள் ஒட்டப்பட்டு இருந்ததால் அங்கு பரபரப்பு ஏற்பட்டது.