மத்திய அரசு ராணுவத்தை கொண்டு வந்தாலும் ஹைட்ரோ கார்பன் திட்டத்தை எதிர்ப்போம் என்று புதுச்சேரி முதலமைச்சர் நாராயணசாமி தெரிவித்துள்ளார். ஈரோட்டில் தேசிய அளவிலான வாலிபால் போட்டி நடைபெற்றது. இதில் சிறப்பு விருந்தினராக பங்கேற்ற பின்பு செய்தியாளர்களிடம் பேசிய புதுச்சேரி முதலமைச்சர் நாராயணசாமி, புதுச்சேரி அரசின் அனுமதியில்லாமல் ஹைட்ரோ கார்பன் திட்டத்திற்கு மத்திய அரசு அனுமதி அளித்துள்ளதாக குற்றஞ்சாட்டினார். பெட்ரோல், டீசல் மீதான வரி உயர்வால் அனைத்து பொருட்களின் விலையும் அதிகரிக்கும் நிலை ஏற்பட்டுள்ளதாகவும் அவர் கூறியுள்ளார்.
