Assam| Hindi|Official மொழியாக சேர்க்கப்பட்டது `இந்தி’ - `இந்த’ சட்டசபைல MLA-க்கள் இந்திலயே பேசலாமாம்

அசாம் சட்டமன்றத்தில் அலுவல் மொழியாக இந்தி சேர்ப்பு ​ இன்று தொடங்கவுள்ள அசாம் சட்டமன்றத்தின் நடப்பு ஆண்டிற்கான பட்ஜெட் கூட்டத்தொடரில், சபையின் அலுவல் மொழிகளில் ஒன்றாக இந்தி மொழியும் அதிகாரப்பூர்வமாக இணைக்கப்பட்டுள்ளது. சபாநாயகர் ரஞ்ஜித் குமார் தாஸ் தலைமையில் நடைபெற்ற பொதுக் குழு கூட்டத்தில் இந்த முடிவு எடுக்கப்பட்டுள்ளது ​ இதன் மூலம், இதுவரை அசாமி, ஆங்கிலம் மற்றும் போடோ ஆகிய மொழிகள் மட்டுமே பயன்படுத்தப்பட்டு வந்த நிலையில், இனி சட்டமன்ற உறுப்பினர்கள் இந்தியிலும் தங்களது உரைகளை நிகழ்த்த முடியும். ​ சட்டமன்ற நடவடிக்கைகளை நேரடியாக ஒளிபரப்பும் 'ஏ.எல்.ஏ' தொலைக்காட்சி சேனல், நாடாளுமன்ற லோக்சபா மற்றும் ராஜ்யசபா டிவிக்களுக்கு இணையாகத் தரம் உயர்த்தப்பட்டு 'அசாம் விதான் சபா டிவி' என மறுபெயரிடப்படுகிறது. ​ ஜூலை 31 வரை நீடிக்கும் இந்த பட்ஜெட் கூட்டத்தொடரில், மாநிலத்தின் 2026-27 நிதியாண்டிற்கான முழுமையான நிதிநிலை அறிக்கையை புதிய நிதியமைச்சர் ஜெயந்த மல்லா பருவா வரும் ஜூலை 10ம் தேதி தாக்கல் செய்கிறார். இந்த கூட்டத்தொடரில் நிர்வாகச் சீர்திருத்தங்கள் சார்ந்த 10 புதிய சட்ட மசோதாக்கள் அறிமுகம் செய்யப்படவுள்ளதாகத் தகவல் வெளியாகியுள்ளது.