10 குழந்தைகள்...கலகலப்பான வீடு...மட்டற்ற மகிழ்ச்சி...

கேரளாவில் 10 குழந்தைகளுடன் மட்டற்ற மகிழ்ச்சியோடு வாழ்ந்து வருகின்றனர் ஒரு தம்பதி... கண்ணூர் போடூர் பகுதியை சேர்ந்தவர்கள் சந்தோஷ் - ரம்யா தம்பதி... இவர்களுக்கு மொத்தம் 8 பெண் குழந்தைகள் மற்றும் 2 ஆண் குழந்தைகள்... இவர்களில் 9 குழந்தைகள் பள்ளிக்கு செல்கின்றனர்... முதலாவது மகள் 12ம் வகுப்பும், இரட்டையர்களான 8 மற்றும் 9வது குழந்தைகள் அங்கன்வாடியும் செல்கின்றனர். 10வது குழந்தை பிறந்து 3 மாதங்களே ஆகிறது... சந்தோஷ் கண்ணூரில் வணிக நிறுவனங்களை நடத்தி வருகிறார். குழந்தைகளுக்கு காலை மற்றும் மதிய உணவு காலை 7 மணிக்கே தயாராகி விடுமாம்... பள்ளிக்கு கிளம்புவதில் குழந்தைகள் அனைவரும் ஒருவருக்கொருவர் உதவிக் கொள்கின்றனர். 10 குழந்தைகளைப் பெற்றெடுத்த ரம்யா..."கடவுளின் பரிசுகளை நிராகரிப்பது பாவம். எங்கள் பிள்ளைகள் வளர வளர எங்கள் வியாபாரமும் வளர்ந்தது" என்று பூரிப்புடன் தெரிவித்தார்...