ராம் சரணின் "பெத்தி" - ஜூன் 4ம் தேதி வெளியாகும் என அறிவிப்பு

தெலுங்கு நடிகர் ராம் சரண் நடிப்பில், இயக்குநர் புச்சி பாபு சனா இயக்கத்தில் உருவாகியுள்ள பிரம்மாண்டத் திரைப்படம் பெத்தி வருகிற ஜூன் 4ம் தேதி வெளியாகிறது.

ஏற்கனவே ஏப்ரல் 30-ம் தேதி வெளியாகவிருந்த இப்படம், சில காரணங்களால் தள்ளிப்போன நிலையில், தற்போது ஜூன் 4-ம் தேதி திரையரங்குகளில் வெளியாகும் என அறிவிக்கப்பட்டுள்ளது.

பாலிவுட் நடிகை ஜான்வி கபூர் நாயகியாக நடித்துள்ள இப்படத்தில், கன்னட சூப்பர் ஸ்டார் சிவ ராஜ்குமார் முக்கியக் கதாபாத்திரத்தில் நடித்துள்ளார்.

இசைப்புயல் ஏ.ஆர்.ரகுமான் இசையமைப்பில், மைத்ரி மூவி மேக்கர்ஸ் நிறுவனம் தயாரித்துள்ள இப்படம் பெரும் எதிர்பார்ப்பை ஏற்படுத்தியுள்ளது.