விஜய் தேவரகொண்டா நடிப்பில் உருவாகியுள்ள டியர் காம்ரேட் படத்தின் இந்தி ரீமேக் உரிமையை பிரபல இந்தி இயக்குனர் கரன் ஜோஹர் பெற்றுள்ளார். விஜய் தேவரகொண்டா மற்றும் ராஷ்மிகா மந்தனா இரண்டாவதாக ஜோடி சேரும் இந்த படம் வரும் 26 ஆம் தேதி திரைக்கு வருகிறது. விஜய் தேவரகொண்டா நடிப்பில் வெளிவந்த அர்ஜுன் ரெட்டி படம், பாலிவுட்டில் ரீமேக் செய்யப்பட்டு சமீபத்தில் நல்ல வரவேற்பு பெற்ற நிலையில், தற்போது டியர் காம்ரேட் படத்தின் ரீலிஸூக்கு முன்னரே இந்தி ரீமேக் உரிமை பிரபல இயக்குநர் கரன் ஜோஹரால் வாங்கப்பட்டுள்ளது.
