ஜனநாயகனுக்கு உச்ச நீதிமன்றம் போனாலும் சிக்கல்?

ஜனநாயகன் படத்திற்கு சென்சார் சான்றிதழ் வழங்கும் உத்தரவுக்கு தடை விதிக்கப்பட்டதை தொடர்ந்து, படம் பொங்கலுக்கு வெளியாக வாய்ப்பு இல்லை என்ற தகவலும் வெளியாகி வருகிறது.

பொங்கல் பண்டிகை அடுத்த வாரம் 15 ஆம் தேதி கொண்டாடப்பட உள்ள நிலையில், ஜனநாயகன் படத்திற்கான சென்சார் தொடர்பான வழக்கு விசாரணையை சென்னை உயர்நீதிமன்றம் 21 ஆம் தேதிக்கு ஒத்திவைத்துள்ளது.

இப்போது ஜனநாயகன் திரைப்பட தயாரிப்பு நிறுவனத்திற்கு முன்பாக, சென்னை உயர்நீதிமன்ற தடைக்கு எதிராக உச்சநீதிமன்றத்தில் மேல் முறையீடு செய்யலாம், அவசர வழக்காக விசாரிக்க கோரலாம் என்பதே இருக்கிறது.

அதேவேளையில் சென்னை உயர்நீதிமன்றம் போல், உச்சநீதிமன்றமும் “சென்சார் சான்றிதழ் பெறுவதற்கு முன்பாக வெளியீட்டு தேதியை அறிவித்தது ஏன்? என்பது போன்ற கேள்விகளை எழுப்பினால் சிக்கலே எழும், பொங்கலுக்கு படம் வெளியாவதில் சிக்கல் ஏற்படும் என்றே சட்ட வல்லுநர்கள் தெரிவிக்கிறார்கள்