LKG, UKG மாணவர் சேர்க்கை நடைபெறுமா? திடீர் குழப்பம்

அரசு பள்ளி ஆசிரியர்களுக்கு நடத்தப்பட்ட ஆசிரியர் பொது மாறுதல் கலந்தாய்வில் இடைநிலை ஆசிரியர்களும் பணியிட மாறுதல் பெற்று சென்று விட்டதால், எல்கேஜி யுகேஜி வகுப்புகளுக்கு ஆசிரியர்கள் இல்லாத நிலை ஏற்பட்டுள்ளது.

அதே நேரத்தில், தமிழகத்தில் உள்ள அனைத்து தனியார் பள்ளிகளிலும் தற்போது எல்கேஜி- யுகேஜி வகுப்புகளில் மாணவர் சேர்க்கை வேகமாக நடைபெற்று வருகிறது. அரசு பள்ளிகளில் உள்ள எல்கேஜி யுகேஜி வகுப்புகளில் மாணவர் சேர்க்கை நடத்தப்படுமா என்கிற கேள்வி எழுந்துள்ளது.

அது குறித்த தெளிவான அறிவிப்பும் பள்ளிக்கல்வித்துறையிடம் இருந்து வராததால், 2381 அங்கன்வாடி மையங்களில் தொடங்கப்பட்ட எல்.கே ஜி, யூ.கே ஜி வகுப்புகளில் மாணவர் சேர்க்கை நடத்துவது குறித்த குழப்பம் தலைமை ஆசிரியர்களிடையே ஏற்பட்டுள்ளது.